ესპანური გამოცემა „მარკა“ გვამცნობს, რომ „ოპერაცია მბაპე“ გახსნილად გამოცხადდა.

მადრიდის „რეალის“ პრეზიდენტმა, ფლორენტინო პერესმა ზიდანთან ერთად შეიმუშავა გეგმა, რომელიც კილიანის ტრანსფერზე უნდა განხორციელდეს.

ვიზიტი საფრანგეთში - ზიდანი საკუთარ სამშობლოში გაემგზავრება და მბაპეს თავად შეხვდება, რათა შეძლოს ახალგაზრდა მოთამაშის დარწმუნება.

განმეორებითი შეხვედრა მბაპეს მამასთან - ვრცელდება ინფორმაცია, რომ ზიზუ უკვე შეხვდა კილიანის მამას, ახლა კი განმეორებითი შეხვედრა შედგება, სადაც ზინედინი დეტალურად წარადგენს გეგმას, რომელიც მბაპეს შეეხება.

280 მილიონი - ეს არის თანხა, რომლის მობილიზებასაც ფლორენტინო პერესი მოახდენს და „პსჟ“-ს შესთავაზებს.

რეკორდული ხელფასი - მბაპეს „რეალში“ საოცარი პირობები ექნება. ჯერ-ჯერობით არ სახელდება ციფრი, მაგრამ ცნობილია,რომ კილიანმა „პსჟ“-ში არსებულ სარგოზე მინიმუმ 30%-ით მეტი უნდა მიიღოს.

6 წლიანი კონტრაქტი და საშემოსავლო შეღავათები - პერესი ფრანგ მოთამაშეს 6 წლიან კონტრაქტს შესთავაზებს, ასევე „რეალი“ არ მოითხოვს არანაირ სარგოს კილიანის სარეკლამო შემოთავაზებებიდან.

დამატებითი ბონუსები - ნებისმიერ სეზონში ჩემპიონთა ლიგის მოგების შემთხვევში მბაპე ბონუსის სახით 1.5 მილიონ ევროს მიიღებს, გარდა ამისა კონტრაქტის გაფორმებიდან 4 წლის გასვლის შემდეგ, „რეალი“ ფრანგის ხელშეკრულებას გადახედავს და მნიშვნელოვნად გაუმჯობესებულ პირობებს შესთავაზებს.