ესპანური გამოცემების ინფორმაციით, მანჩესტერ „იუნაიტედსა“ და მადრიდის „რეალს“ შორის შესაძლოა ხმაურიანი ბარტერი შედგეს...

Marca იუწყება, რომ ვარანის „ბლანკოსიდან“ წასვლა გადაწყვეტილია. ფრანგმა ფეხბურთელმა კლუბის დატოვების სურვილი თავად გამოთქვა და ყველას ეგონა, რომ ზიდანი გადააფიქრებინებდა, თუმცა ფრანგ ლეგენდას განსხვავებული პოზიცია აღმოაჩნდა.

რაფას სურვილმა ზინედინი ძალიან გააღიზიანა და რადიკალური გადაწყვეტილება მიაღებინა. ზიზუს აზრით, თუ ვარანს მადრიდში აღარ სურს, ის აუცილებლად უნდა წავიდეს.

გავრცელებული ინფორმაციით, „რეალი“ რაფაელს „მანჩესტერში“ გაუშვებს და სანაცვლოდ პოლ პოგბას მიიღებს. მოლაპარაკებები ორმხრივ რეჟიმში მიმდინარეობს.

თავის მხრივ, პოგბას განცხადებები ძალიან დიდ ინტრიგებს თესავს. ფრანგმა ნახევარმცველმა უკვე ორჯერ განაცხადა, რომ „რეალში“ თამაში ყველას ოცნებაა, ზიდანთან ვარჯიში კი უბრალოდ დიდი სიამოვნება.“