ჰოლანდიელმა ფეხბურთელმა, რაფაელ ვან დერ ვაარტმა განაცხადა, რომ განაწყენებულია "ბლაუგრანასთან" მარცხით და შეცდომების გამოსწორებას აპირებს. მისი თქმით უშეცდომო არავინ არის და მომენტი, რომელიც მან ვერ გამოიყენა არ იქნებოდა გადამწყვეტი იმ შემთხვევაში...

"მართალია, შეცდომა დავუშვი რადგან ძალიან დავიბენი, თავი თამაშგარე მდგომარეობაში მეგონა, ხოლო როცა გავაცნობიერე, რომ სათამაშო ეპიზოდი იყო ვიქტორ ვალდესი ძალიან წინ იყო გამოსული და ვეღარ შევძელი ბურთის კარში სწორად გაგზავნა".

"ყველანი ადამიანები ვართ და იმედი მაქვს გულშემატკივრები მაპატიებენ ამ გაფუჭებულ მომენტს, ერთის მხრივ იმ გოლს შეიძლებოდა არაფერი შეეცვალა, მაგრამ არგამოყენებული მომენტი მაინც ძალიან სამწუხაროა".

"მსურს ალმერიასთან თამაში და იმის დამტკიცება, რომ ვიმსახურებ "რეალში" ასპარეზობას, მთელი გუნდი ერთ მუშტად არის შეკრული და ცდილობს გახდეს ჩემპიონი, ჩვენ გვსურს ესპანეთის პირველობა ჩვენთვის სასურველი შედეგით დავასრულოთ".