ემილიო ბუტრაგენიომ „რეალისა“ და „ჟირონას“ დაპირისპირება შეაფასა...

„1:0 კარგი ანგარიშია, მაგრამ ეს შედეგი არასდროს გაძლევს დამშვიდების საშუალებას. მადრიდის „რეალი“ მოდუნდა და დაისაჯა კიდეც. როდესაც უპირატესობას ფლობ და ანგარიშიც ხელს გაძლევს, კიდევ უნდა შეუტიო და ეცადო ანგარიში უფრო მისაღები გახადო. „რეალმა“ დღევანდელ მატჩში 70 წუთი უკეთესად ითამაშა, 20 წუთი კი „ჟირონა“ იყო უკეთესი, ტაბლოზე 1-2 დაფიქსირდა, რაც ძალიან ცუდია.“

„ჩვენ სასირცხვილო მარცხი განვიცადეთ, მაგრამ აუცილებლად უნდა მივულოცოთ „ჟირონას“ ფეხბურთელებს, ისინი ბოლომდე იბრძოდნენ და სასურველ შედეგს მიაღწიეს.“

„მარცხი ორმაგად მტკივნეულია იმიტომ, რომ ძალიან მნიშვნელოვანი 3 ქულა დავკარგეთ, თანაც იმ ფონზე, რომ მეორე გოლის გატანის შემთხვევაში ყველაფერი შეიცვლებოდა.“

„ახლა ერთი კვირა გვაქვს იმისათვის, რომ „ლევანტესთან“ დაპირისპირებისთვის სათანადოდ მოვემზადოთ. თუ ჩემპიონობა გვსურს, ლა ლიგის დარჩენილ ტურებში ყველა მატჩი უნდა მოვიგოთ, მათ შორის „ელ კლასიკო“, რომელიც სულ მალე ჩატარდება.