მადრიდის "რეალის" ფეხბურთელებმა კრიშტიანო რონალდომ, ალვარო არბელოამ, სერხიო რამოსმა და რაულ ალბიოლმა, დამარცხების შემდეგ კომენტარი გააკეთეს.

კრიშტიანო რონალდო:
"გამარჯვება ყოველთვის სასიამოვნოა. მართალია წავაგეთ, მაგრამ ახლა დანებებას აზრი არ აქვს, რადგან ჩასატარებელი გვაქვს კიდევ შვიდი შეხვედრა. ყველამ კარგად ვიცოდით რომ "კლასიკოს" მოგება აუცილებელი იყო, თუმცა "ბარსელონას" გაუმართლა და პირველი გოლი გაგვიტანა, რამაც ფსიქოლოგიური უპირატესობა სტუმრებს მიანიჭა. კატალონიელები ცდილობდნენ ჩვენი შეცდომებით ესარგებლათ, რაც გამოუვიდათ და მათთვის დამაკმაყოფილებელ შედეგსაც მიაღწიეს."

ალვარო არბელოა:
"ორივე "კლასიკოში" ბოლომდე ვიბრძოლეთ, თუმცა "ბარსელონამ" გვაჯობა და არცერთის მოგების უფლება არ მოგვცა. ისინი შეტევაში ძალიან კარგად თამაშობენ და მათ შეჩერებას დიდი ძალისხმევა სჭირდება. ჩვენ ბოლომდე უნდა გავაგრძელოთ ბრძოლა და შვიდ თამაშში ქულათა მაქსიმუმი (21) უნდა დავაგროვოთ."

სერხიო რამოსი:
"ერთადერთი რაც ახლა უნდა გავაკეთოთ, ეს ბოლომდე ბრძოლაა. სეზონის დამთავრებამდე დრო ჯერ კიდევ არის და ყველაფერი შეიძლება მოხდეს."ბარსელონა" კარგად თამაშობდა და ჩვენ ყველანაირად ვცდილობდით მათ შეჩერებას, თუმცა მათ ორ გოლი მაინც გაგვიტანეს."

რაულ ალბიოლი:
"ჩვენ მეტი ქულა აღარ უნდა დავკარგოთ. სეზონი 98 ქულით უნდა დავასრულოთ. იმედია "ბარსელონა" შემდეგ მატჩებში წააგებს და ჩვენც შანსი მოგვეცემა."