ხოსეპ გუარდიოლამ ცოტა ხნის წინ განაცხადა, რომ მადრიდის „რეალი“ ბოლო ათწლეულის სამ საუკეთესო კლუბს შორის არ არის. „სიტის“ თავკაცმა, ამ საკითხთან დაკავშირებით დამატებითი განმარტება გააკეთა...

„დიახ, „რეალი“ არ არის საუკეთესო და მე პოზიცია არც შემიცვლია.“

„რატომ „ბაიერნი“, „იუვენტუსი“ და „ბარსელონა“? გადახედეთ მათ შედეგებს და ტიტულებს შიდა ჩემპიონატზე და მიჰყევით ქრონოლოგიას, ეს გუნდები მუდმივი სტაბილურობით და აბსოლუტური დომინაციით გამოირჩევიან. „ბარსელონამ“ ბოლო 10 წელიწადში ბევრჯერ მოიგო ლიგა, ლა ლიგაში კი ფაქტობრივად უკონკურენტოა. ანალოგიურს ვიტყოდი „ბაიერნზე“, რომელიც მუდმივად სტაბილურია, „იუვენტუსმა“ კი სერია „ა“-ს საკუთარი საოცარი გამოსვლით აზრი დაუკარგა და უკვე რამდენი წელია სკუდეტოს არავის უთმობს.“

„დიახ, „რეალმა“ ბოლო 3 წელიწადში ზედიზედ 3-ჯერ მოიგო ჩემპიონთა ლიგა, მაგრამ ამის პარალელურად 0-3 და ასეთი ანგარიშებით მარცხდებოდა „ბარსელონასთან“, მეორე ადგილზე ვერ გადიოდა ლა ლიგაში და ასე შემდეგ. დიახ, „ბლანკოსს“ ისტორიაში საუკეთესოობაზე აქვს პრეტენზია, მაგრამ მერწმუნეთ, არსებობს მასზე კარგი გუნდებიც.“