კურტუა:„წინ რთული დღეებია ჯერ „ბარსელონასთან“, შემდეგ „ატლეტიკოსთან““
ტიბო კურტუა მომდევნო მატჩებისთვის განსაკუთრებულად ემზადება. ბელგიელმა კიპერმა „ალავესის“ დამარცხების შემდეგ კომენტარი გააკეთა...
„მეტოქე უშანსოდ დავტოვეთ. ეს იყო სწრაფი და მჭიდრო ფეხბურთი, სადაც „რეალის“ ფეხბურთელებმა მეტოქეს აშკარად აჯობეს. „ალავესის“ შეტევები ნამდვილად არ იყო მწვავე.“
„დამსახურებული 3 ქულა ჩავიწერეთ აქტივში და ბრძოლა გრძელდება.“
„წინ „ელ კლასიკოა“, სამეფო თასზე ურთულესი მეტოქე გვყავს, მაგრამ სიმშვიდე უნდა შევინარჩუნოთ და ვეცადოთ, რომ ჩვენი ფეხბურთი ვითამაშოთ. ამ ყველაფრის ერთობლიობით წარმატების მიღწევა შესაძლებელია.“
„ვინიციუსი უდიდესი პერსპექტივის მქონე ფეხბურთელია. ბრაზილიელმა ფეხბურთელმა არნახული პროგრესი აჩვენა, ის ვითარდება და „რეალის“ სამწვრთნელო შტაბი ყველაფერს აკეთებს, რომ შესაძლებლობები გამოავლინოს, მას აქვს ნდობა, რაც ყველაზე მთავარი ასპექტია.“
„„ატლეტიკოსთან“ დაპირისპირება ურთულესი იქნება. ზოგადად წინ რთული დღეები გველის. მე ვთვლი, რომ მოედანზე აუცილებლად დამისტვენენ, თუმცა ეს ფეხბურთის ნაწილია და მე ამ გუნდის მადლიერი ყოველთვის ვიქნები.“
- 4 თებერვალი 2019
- 1 680
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
