სტატისტიკოსები მნიშვნელოვან ინფორმაციას გვაწვდიან, რომლის მიხედვითაც, მადრიდის „რეალის“ მხრიდან, ლა ლიგის ეგიდით გამართულ დაპირისპირებაში კარის მიმართულებით გარეთ ბეილი ურტყამს...

უელსელმა ფეხბურთელმა ლა ლიგის მატჩებში არც ისე დიდი დრო დაჰყო მოედანზე, მის ანგარიშზე ესპანეთის შიდა პირველობაზე მხოლოდ 538 წუთია. მიუხედავად ამისა, ის ყველაზე ხშირად ცდილობს კარში დარტყმას და გოლის გატანას.

უელსელმა 54-ჯერ სცადა მეტოქის კარის აღება, საიდანაც 26 შემთხვევაში დარტყმა კარის ჩარჩოს მიმართულებით წავიდა, დანარჩენი კი ასცდა.

ამ მხრივ მეორე შედეგი კარიმ ბენზემას აქვს. ფრანგმა 53-ჯერ სცადა მეტოქის კარის აღება, საიდანაც 21-ჯერ ბურთი კარში წავიდა, დანარჩენი კი ასცდა, თუმცა ასევე უნდა აღინიშნოს, რომ კარიმს მოედანზე, ლა ლიგაში 1023 წუთი აქვს დაყოფილი და თითქმის ორჯერ აღემატება ბეილის სათამაშო დროს.

რაც შეეხება მესამე ადგილზე მყოფ ფეხბურთელს. ეს ადამიანი ლუკა მოდრიჩია, რომელმაც 30-ჯერ სცადა მეტოქის კარის აღება. 10 შემთხვევაში ბურთი კარის ჩარჩოსკენ წავიდა, 20-ჯერ კი ასცდა. ლუკიტას ყოველი 3 დარტყმიდან 1 ზუსტია, 2 კი არაზუსტი.