სანტიაგო სოლარისთვის გადამწყვეტი მომენტი დგება. ალბათ ვერავინ წარმოიდგენდა, თუ 3 კვირის განმავლობაში მადრიდის „რეალი“ კატალონიის „ბარსელონას“ 3-ჯერ დაუპირისპირდებოდა, მაგრამ წილისყრამ ეს გუნდები ერთმანეთს შეახვედრა...

ესპანური გამოცემები იუწყებიან, რომ „ელ კლასიკოები“ სანტიაგო სოლარის ბედს გადაწყვეტს.

ფლორენტინო პერესი არგენტინელი სპეციალისტის გაწვრთნილ გუნდს „ბარსელონას“ წინააღმდეგ განსაკუთრებული ყურადღებით დააკვირდება.

ის, რომ სოლარი სეზონის ბოლომდე გუნდში დარჩება გადაწყვეტილია, მაგრამ საუბარი სამომავლო გეგმებს ეხება.

ასევე უნდა აღინიშნოს, რომ სეზონის დასრულებამდე გულშემატკივარმა არამხოლოდ 3, არამედ 5 „ელ კლასიკოც“ შეიძლება ნახონ, ეს იმ შემთხვევაში მოხდება, თუ ესპანური გრანდები ჩემპიონთა ლიგის 1/4 ფინალში გავლენ და წილისყრის შედეგად იქაც დაწყვილდებიან.

მაშ ასე. სოლარი პირველ გამოცდას 6 თებერვალს ჩააბარებს, წარმატებები სანტიაგოს!