სოლარი:„ახლა „ბარსელონაზე“ ფიქრის დრო არ არის“
სანტიაგო სოლარიმ „ალავესთან“ მატჩისწინა პრესკონფერენცია გამართა...
„რთული მეტოქე გვყავს. „ალავესი“ ძლიერი გუნდია, რომელიც ბოლომდე იბრძოლებს, ამიტომ ისე უნდა ვითამაშოთ, როგორც წინა დაპირისპირებებში და ვეცადოთ, რომ რაც შეიძლება მეტი გოლი გავიტანოთ.“
„ბენზემა ბრწყინვალეა, როგორც ინდივიდუალური, ასევე გუნდური თვალსაზრისით. ის დიდი პროფესიონალია და კარგ ფორმაში გახლავთ. ფრანგი მომდევნო მატჩებში მნიშვნელოვან როლს შეასრულებს.“
„ვინიციუსი შესანიშნავი ახალგაზრდაა. ბრაზილიელი ფეხბურთელი შეტევაში ძალიან ბევრ ადგილზე თამაშობს კარგად, რაც მახარებს.“
„რთული კალენდარი? თუ წარმატების მიღწევა გვსურს, ყველა ნაბიჯზე ყურადღებით უნდა ვიყოთ და თითოეული მატჩისთვის მაქსიმალურად მოვემზადოთ.“
„ბეილი დიდ პოტენციალს ფლობს, რომელიც მსოფლიო ჩემპიონატზე აჩვენა კიდეც. მსურს, რომ უელსელმა ისევ ისეთი თავდაჯერებით იასპარეზოს. ტრავმის შემდეგ ბეილი დაგვიბრუნდა და ყველა ვარჯიშზე სრულფასოვან დატვირთვას იღებს.“
„ყველა ფეხბურთელი ჩემი ოჯახის წევრია. გასახდელში შესანიშნავი სიტუაციაა.“
„სხვა გუნდებზე არ ვფიქრობთ. სიმართლეს გეტყვით, ახლა „ბარსელონა“ არ გვაინტერესებს, რადგან ხვალ „ალავესს“ ვეთამაშებით. თუ 3 ქულას ვერ მოვიპოვებთ, სიტუაციას გავირთულებთ და კატალონიურ კლუბთან მატჩსაც ცუდ ხასიათზე შევხვდებით, ამიტომ ხვალინდელ დაპირისპირებას უფრო დიდი ინტერესით ველი.“
„თებერვლის რთული თვე? ასე იქნება მარტიც, აპრილიც და მაისიც. ჩვენ მუდამ მზად უნდა ვიყოთ რთული მატჩებისთვის.“
„გუნდში შეუცვლელი მოთამაშე არ არსებობს. ერთადერთი, ვინც „რეალში“ შეუცვლელია, გულშემატკივართა დიდი არმია ჰქვია.“
„ვალიეხოს გარდა ყველა ფეხბურთელი მწყობრშია და მზად ვართ, დიდი გამოწვევების მისაღებად.“
- 2 თებერვალი 2019
- 3 122
- 224