კარიმ ბენზემამ „ჟირონასთან“ დაპირისპირებაში დუბლი შეასრულა, მაგრამ ეს არ იყო რიგითი დუბლი და ფრანგმა ფეხბურთელმა მორიგი დაუჯერებელი რეკორდი დაამყარა...

გარდა იმისა, რომ ბენზემამ უკვე 41-ე მატჩში შეძლო 2 და მეტი გოლის გატანა, მან ლეგენდარული და ყველასათვის საყვარელი გოლეადორის, უგო სანჩესის მაჩვენებელი გააუმჯობესა, რომელსაც „რეალის“ მაისურით 208 გოლი ჰქონდა გატანილი. კარიმის ანგარიშზე უკვე 209 გოლია.

მადრიდის „რეალის“ ისტორიაში კარიმი გატანილი გოლების მხრივ მე-6 ფეხბურთელის სტატუსს იკავებს, ის ისტორიული გოლეადორია.

აღსანიშნავია, რომ ყველაზე მეტი გოლის გატანა ფრანგმა ფორვარდმა 2011/12 წლების სეზონში შეძლო, როდესაც საერთო ჯამში 32 გოლი ჩაიწერა აქტივში.

209 გოლიდან 136 ლა ლიგაზე მოდის, 47 ჩემპიონთა ლიგაზე, ხოლო დანარჩენი სხვადასხვა ტურნირზე.