სოლარი:„ბეილი და ასენსიო ბრუნდებიან“
„ესპანიოლთან“ მატჩის წინ სანტიაგო სოლარიმ პრესკონფერენცია გამართა...
„თუ გამარჯვება გვსურს, ზუსტად იგივე უნდა გავაკეთოთ, რაც წინა ორ მატჩში. საჭიროა აგრესიული, სწრაფი და კომბინაციური ფეხბურთი, სხვაგვარად „ესპანიოლის“ დამარცხება მარტივი არ იქნება. ბოლო მატჩების ინტენსიურობის მიუხედავად, ფეხბურთელებს ენერია კვლავ აქვთ.“
„პირველივე წუთებიდან უნდა ვეცადოთ, რომ უპირატესობა ხელთ ვიგდოთ და გოლის გატანა მოვახერხოთ.“
„ვინიციუს ჟუნიორი გენიალური ფეხბურთელია. მოხარული ვარ, რომ ბრაზილიელს მრავალი კარგი თვისება აქვს.“
„ყველა ზრუნავს ბრაზილიელზე. ვინიციუსი მხოლოდ 18 წლისაა. ის აღმოჩნდა უცხო გარემოში, უწევს სხვა ენაზე საუბარი, სხვა კულტურაზე შეწყობა, ფეხბურთის რადიკალურად განსხვავებულ სტილში თამაში და ახალი მეგობრების გაჩენა. ყველაფერს ვაკეთებთ, რომ ადაპტაცია დროულად გაიაროს, ვინაიდან მის ასაკში ეს ყველაფერი მარტივი არ არის.“
„ბენზემას ერთ-ერთ საუკეთესო ფეხბურთელად მივიჩნევ. თითის მოტეხილოს მიუხედავად ის მოედანზე გადის და ბოლომდე იხარჯება. ფრანგი ფეხბურთელი, წუთების უმეტესობას მოედანზე ატარებს.“
„„რეალის“ მწვრთნელობა იოლი არ არის, ვინაიდან შენს განკარგულებაშია 24 უმაღლესი დონის ფეხბურთელი. ყველას სურს თამაში და არჩევანი უმტკივნეულოდ უნდა გააკეთო.“
„გუნდში ძალიან კარგი და მნიშვნელოვანი სიახლეები გვაქვს. გარეთ ბეილი ბრუნდება, არ არის გამორიცხული „ესპანიოლთან“ ითამაშოს, ასევე გვირუნდება მარკო ასენსიო, რაც პირდაპირ ნიშნავს იმას, რომ შეტევა მნიშვნელოვნად გაძლიერდება.“
„თითოეულ ფეხბურთელს დიდ მადლობას ვუხდი გაწეული შრომისთვის. ჩვენ გრძელვადიანი მიზნებიც გვაქვს, მაგრამ კონკრეტულად ახლა „ესპანიოლისა“ დამარცხებასა და 3 ქულის მოპოვებაზე ვფიქრობთ.“
- 26 იანვარი 2019
- 3 377
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
