მარსელო ვიეირამ მადრიდის „რეალის“ შემადგენლობაში სასწაული შეძლო. ბრაზილიელი ფეხბურთელი წლების წინ ამაზე ოცნებასაც ვერ გაბედავდა, მაგრამ თავდაუზოგავმა შრომამ და თავდადებამ შედეგები გამოიღო...

„ჟირონასთან“ დაპირისპირება ვიცე-კაპიტანისთვის ისტორიული გამოდგა. მან ლეგენდარული მადრიდელის, ამანსიოს შედეგი გააუმჯობესა, რომელსაც „ბლანკოსის“ მაისურით 471 დაპირისპირება ჰქონდა გამართული. კატალონიელებთან მატჩი მარსელოსთვის იყო რიგით 472-ე, რითიც ის „მერენგების“ ისტორიაში ჩატარებული მატჩების მხრივ მე-14 ფეხბურთელია და სულ ცოტა ხანში ათეულსაც მიუახლოვდება.