ფერნანდო გაგომ ჟურნალისტებთან ინტერვიუში განაცხადა, რომ მადრიდის რეალი ბარსელონას არაფერს დაუთმობს და სანტიაგო ბერნაბეუზე შეკრებილ გულშემატკივრებს უდიდესი სიხარული მოელით...

"ჩვენი გულშემატკივრები მხურვალედ დაგვიჭერენ მხარს და რეალი ვალდებულია, რომ გაიმარჯვოს. მანუელ პელეგრინი ყველას მკაცრად გვაფრთხილებს, დამაკმაყოფილებელი შედეგი მხოლოდ გამარჯვება იქნება. ფრე წაგების ტოლფასია, ჩვენ ბოლომდე ვიბრძოლებთ სამი ქულისა და ერთპიროვნული ლიდერის სტატუსის მოსაპოვებლად".

"ჩემი საქმეები კარგად მიდის, ჩილელმა სპეცილიასტმა როგორც იქნა გამომიცხადა ნდობა. მე ძალიან მონდომებული ვარ და იმედი მაქვს, რომ "ელ კლასიკო" ჩემს გარეშე არ ჩაივლის, კატალონიელთა წინააღმდეგ თამაში ნებისმიერი ფეხბურთელის ოცნებაა, რომელიც "ბლანკოსში" თამაშობს".

"ოპტიმისტურად ვარ განწყობილი და დარწმუნებული ვარ შევძლებთ, პრინციპული მეტოქის დამარცხებას. მადრიდის "რეალმა" უნდა გაიმარჯვოს "ელ კლასიკოში" და შემდეგ უკვე ყველა სხვა გუნდთან, თუ გვსურს ჩემპიონობა, ყველა მატჩის მოგება გვმართებს".