ცნობილია, რომ მარსელო ვიეირამ წონაში ძალიან მოიმატა და ამით სანტიაგო სოლარის სერიოზული უკმაყოფილება გამოიწვია. არგენტინელმა თავკაცმა ვიცე-კაპიტანი დასაჯა და 2 მატჩში სათადარიგოთა სკამისკენ მიუთითა...

სხვადასხვა ესპანურმა გამოცემამ ამ საკითხთან დაკავშირებით გამოკითხვები აწარმოა, სადაც ცალსახად სჩანს, რომ „ბლანკოსის“ ქომაგები მარსელოს სასტარტოში დაბრუნებას ითხოვენ.

ამის პარალელურად ყველა კმაყოფილია ახალგაზრდა რეგილონის გამოსვლით, რომელიც საიმედოდ გამოიყურება, როგორც დაცვაში, ასევე შეტევაშიც, თუმცა ამ ეტაპზე რეგილონის სასტარტო შემადგენლობაში მუდმივად გამწესება და მარსელოს სათადარიგო ფეხბურთელად გამოყენება მიზანშეწონილად არავის მიაჩნია.