ბრიტანული Daily Mirror იუწყება, რომ მანჩესტერ „სიტიმ“ სამეფო კლუბის პრეზიდენტისგან ოფიციალური წერილი მიიღო. ფლორენტინო პერესს ინგლისურ მხარესთან შეთანხმება და ტრანსფერის განხორციელება სურს...

„დედაქალაქელებს“ პორტუგალიელი ფეხბურთელის, კრიშტიანო რონალდუს ახლო მეგობრის, ბერნარდო სილვას დამატება სურთ. მადრიდელები სილვაში უდიდეს პერსპექტივას ხედავენ და ფეხბურთელს გაცილებით მეტ სათამაშო დროს პირდებიან, ვიდრე „სიტიში“ იღებს.

აღსანიშნავია, რომ სილვას „სიტისთან“ კონტრაქტი 2022 წლამდე აკავშირებს, რაც ტრანსფერის ალბათობას ამცირებს, მაგრამ ორმხრივი მოლაპარაკებებისა და შეთანხმების საფუძველზე ყველაფერი მოსალოდნელია.

პერესს სურს, რომ ბერნადო მადრიდში ზაფხულში ჩაიყვანოს და 6 წლიანი კონტრაქტი გაუფორმოს.

პორტუგალიელი ფეხბურთელი 1994 წელს არის დაბადებული და ასაკის მიუხედავად საკმაოდ დიდ გამოცდილებას ფლობს.

შემტევმა კარიერა „ბენფიკა „ბ“-ში“ დაიწყო, სადაც 38 მატჩი გამართა და მთავარ გუნდში გადავიდა, თუმცა მალევე „მონაკოში“ ამოყო თავი. იჯარის წესით საფრანგეთში გადასულმა სილვამ 15 დაპირისპირება გამართა და საკმაოდ ეფექტური იყო, რის გამოც ფრანგულმა კლუბმა ის დაიტოვა 2015/17 წლებში მან 86 მატჩში 22 გოლის გატანა შეძლო.

რაც შეეხება სილვას და „სიტის“ ურთიერთობას. ბერნარდო მანჩესტერული კლუბის ღირსებას წელიწადნახევარია იცავს, მან 55 მატჩი ჩატარება და 11 გოლის მითვლა შეძლო საკუთარ აქტივში.