"მესი, რომელიც ამჟამად საუკეთესო ფორმაში იმყოფება, უკვე რამდენიმე წელია, რაც ფეხბურთს მთელი მისი ბრწყინვალებით წარმოაჩენს. მე მის წინაშე ქედს ვიხრი, მას ხომ ნებისმიერ წუთს შეუძლია თამაშის მიმართულების შეცვლა. დღესდღეობით,როცა "ბარსას" შეუძლია მოგება/წაგება, მესი უფრო და უფრო აუმჯობესებს საკუთარ თამაშს. ის ყველაზე სახიფათოა იმათ კლუბში."–განაცხადა რამოსმა.

პრინციპული მეტოქეების დაპირისპირება ჩემპიონატში უმნიშვნელოვანეს როლს ითამაშებს, ამიტომ მცველი იაზრებს, თუ რა დიდ ფასად შეიძლება დაუჯდეს მის კლუბს ერთი პატარა შეცდომაც:

"ეხლა ჩვენ ვიმყოფებით სეზონის იმ სტადიაშო, როცა ჩვენ კლუბებს შორის სხვაობა მინიმალურია. ასე რომ ნებისმიერმა შეცდომამ შესაძლოა კატასტროფა გამოიწვიოს. ძალიან ველით ამ შეხვედრას. თამაშის შემდეგ დაფიქსირებული შედეგით კი შეიძლება იმის თქმა, თუ ვინ გახდება ლა ლიგის გამარჯვებული."–თქვა სამეფო კლუბის ერთ–ერთმა კაპიტანმა.

მცველს "მადრიდის რეალის" უმთავრეს იარაღად მიაჩნია: "კონცენტრირება და მეტოქის დაფასება. ჩვენ ბრძოლა პირველივე წუთებიდან უნდა დავიწყოთ, უნდ აგამოვიყენოთ ფლანგების სიჩქარე, შევინარჩუნოთ ბურთი და ყოველნაირად უნდ ავეცადოთ თავი ავარიდოთ შეცდომების დაშვებას, განსაკუთრებით დაცვის ხაზში."

"ნათელია, რომ ვინც არ უნდა გამოვიდეს მოედანზე, კლუბი საკუთარი თამაშის სტილს არ შეცვლის. "ბარსელონა" საკუთარ სტილს მიყვება მიუხედავად იმისა, თუ რომელი ფეხბურთელი მიიღებს ამა თუ იმ შეხვედრაში მონაწილეობას. იქნება ეს ბუსკეთსი, ხავი თუ ანდრეს ინიესტა. ასე რომ , როცა მოედანზე გავალთ , უკვე ნათელი წარმოედგენა შეგვექმნება არსებულ სიტუაციაზე, თვალწინ კი პელეგრინის მითითებები დაგვიდგება."–აღნიშნა რამოსმა.

სერხიო რამოსმა, რომელიც იმედოვნებს, რომ შეძლებს საკუთარი გულშემატკივრების გახარებას, არც თუ ისე დიდი ხნის წინ ეზეკიალ გარაისა და როისტონ დრენტესთან ერთად მონაწილეობა მიიღო სპონსორის "bwin"–ის ინიციატივით გამართულ ღონისძიებაში, სადაც ზემოთხსენებულ ფებხურთელებთან ერთად მაგიდის ფეხბურთი ითამაშა.

გარაის კი თავის მხრივ მიაჩნია, რომ "მადრიდის რეალს" წინ კიდევ არც თუ ისე იოლი შეხვედრები ელის და რომ მხოლოდ ერთ მატჩზე კონცენტრირება არ შეიძლება. არგენტინელმა გამოიყენა შემთხვევა და შეაქო მესი:

"მე სულ ვიმეორე, რომ მას შემდეგ, რაც მე მისი პირველი თამაში ვიხილე, ის მე ყოველთვის მაოცებს. იგი დღითი დღე უფრო და უფრო ძლიერდება."


"ბარსელონამ" ძალიან ბევრი დაკარგა სამუელ ეტო'ოს წასვლით. ძნელია მისი იბრაგიმოვიჩთან შედარება. ესაა ორი განსხვავებული ფეხბურთელი განსხვავებული შესაძლებლობებით. მიუხედავად ამისა, საკუთარ პოზიციაზე ორივენი კარგად თამაშობენ. ეტო'ო ძალიან მნიშვნელოვანი ფეხბურთელი იყო "ბარსასთვის" და საკუთარ მოწინააღმდეგეებს ბევრ პრობლემას უქმნიდა დაცვის ხაზში. ვფიქრობ, მისი წასვლით, "ბარსელონამ" ძალიან ბევრი დაკარგა. რაც შეეხება იბრაგიმოვიჩს, ის ძნელად ითვისებს "ბარსელონას" სათამაშო სტილს."–განაცხადა "მადრიდის რეალის" ცენტრალურმა მცველმა.

"წინა სეზონთან შედარებით "ბარსა" არც თუ ისე დიდად შეცვლილა. ამ სეზონში პრაქტიკულად ისეც ის ფეხბურთელები თამაშობენ. ჩვენ კი საგრძნობლად გავაუმჯობესეთ ჩვენი თამაში." – აღნიშნა როისტონ დრენტემ.

წყარო: Marca.com