სოლარი:„გუნდში სერიოზული სიახლეები გვაქვს“
სანტიაგო სოლარიმ სამეფო თასის განმეორებითი დაპირისპირების წინ პრესკონფერენცია გამართა...
„აღსანიშნავია, რომ მარკო ასენსიო, ტონი კროოსი და ტიბო კურტუა კოლექტივს შემოუერთდებიან და არასრულფასოვან, თუმცა გარკვეულწილად მნიშვნელოვად დატვირთვას იღებენ. დარწმუნებული ვარ, ისინი მალე გააძლიერებენ გუნდს.“
„ამ მხრივ ძალიან სერიოზული სიახლეები გვაქვს. ტრავმიანობა პირველი განმაპირობებელი ფაქტორი იყო იმისა, რომ ცუდად გამოვდიოდით.“
„ვინიციუს ჟუნიორი თანაგუნდელებს აღაფრთოვანებს, აღარაფერს ვიტყვი პუბლიკაზე, რომელსაც ის ძალიან შეუყვარდა.“
„18 წლის ასაკში ამდენის მიღწევა მარტივი არ არის. ჩვენ ვინიციუსში უდიდეს პერსპექტივა ვხედავთ, ის მატჩიდან მატჩამდე პროგრესირებს.“
„გუნდმა, რომელმაც ზედიზედ სამჯერ შეძლო ჩემპიონთა ლიგის მოგება, მოტივაცია არ დაკარგა და მაინც ბოლომდე იბრძვის. სწორედ ეს არის დიდი პროფესიონალიზმის ერთ-ერთი მანიშნებელი ფაქტორი.“
„წავა თუ არა ისკო? მე მწვრთნელი ვარ და არა პრეზიდენტი.“
„ისკოსთან დაკავშირებით მუდამ გეუბნებით, რომ ის პროფესიონალია და გუნდის დახმარება შეუძლია. მე ვცდილობ, ყველა მატჩში ოპტიმალური თერთმეტეული გამოვიყვანო მოედანზე.“
„თავმდასხმელების პრობლემა ნამდვილად გვაქვს, ვინაიდან ერთბაშად რამდენიმე წინახაზელი დაზიანდა, თუმცა ერთიანი ძალით პრობლემების აღმოფხვრას მოვახერხებთ.“
„ახალგაზრდებს ბრწყინვალე შანსი აქვთ იმისა, რომ გამოცდილ მოთამაშეებთან ერთად იასპარეზონ და საბოლოო ჯამში საუკეთესო შედეგი აჩვენონ.“
- 16 იანვარი 2019
- 3 589
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
