ლა ლიგის მე-19 ტურში „ალავესის“ წარუმატებლობის გამო, მადრიდის „რეალს“ შანსი მიეცა, რომ ოთხეულში შესულიყო და გამოიყენა კიდეც...

სანტიაგო სოლარის შეგირდებმა მძიმე ბრძოლაში „ბეტისი“ დაამარცხეს და მორიგი სამი ქულა ჩაიწერეს აქტივში. მე-19 ტურის თავზე „ბლანკოსი“ 33 ქულას ფლობს და მეოთხე ადგილზე იმყოფება, ის ასევე გაუთანაბრდა მესამეადგილოსან „სევილიას“. იმ შემთხვევაში, თუ „ბლანკოსი“ მე-20 ტურში ანდალუსიურ კლუბს დაამარცხებს, მესამე პოზიციაზე განთავსდება.

რაც შეეხება პირველადგილოსანთან სხვაობას. ვალვერდეს „ბარსელონამ“ მორიგი მატჩი მოიგო და 43 ქულას მოუყარა თავი, რაც იმას ნიშნავს, რომ „ბარსასა“ და „ბლანკოსს“ შორის 10 ქულიანი სხვაობა კვლავაც შენარჩუნებულია.