მადრიდის „რეალის“ პოლიტიკა რადიკალურად შეცვლილია. ფაქტია, რომ პრეზიდენტი პერესი აქცენტს არა მსოფლიო ვარსკვლავებზე, არამედ ახალგაზრდა, ნიჭიერ ფეხბურთელებზე აკეთებს...

ფლორენტინოს ახალი სიმპატია ნიკოლა ძანიოლოა, რომელიც იტალიურ „რომაში“ გამოდის და დიდი პერპექტივა აქვს.

ნიკოლა მხოლოდ 19 წლისაა და მიმდინარე სეზონში საკმაოდ ეფექტურად გამოდის.

სამეფო კლუბის ძანიოლოს ტრანსფერზე მუშაობას უკვე შეუდგა და იმედი აქვს, რომ ზაფხულში შეთანხმება შედგება.

ძანიოლო 1999 წლის 2 ივლისს არის დაბადებული, ის საკმაოდ მაღალია (190 სანტიმეტრი) და 80 კილოგრამს იწონის. მიმდინარე სეზონში ნიკოლომ 10 მატჩში მიიღო მონაწილეობა, საიდანაც 7 შემთხვევაში სასტარტო შემადგენლობაში მოხვდა, მის ანგარიშზე 600 წუთზე ცოტა მეტია. იტალიელმა „რომაში“ სადებიუტო გოლის გატანაც მოახერხა.

იტალიელები ხშირად მიუთითებენ, რომ ის ძალიან ხშირად თამაშობს ზუსტად. მიმდინარე სეზონში ძანიოლოს ანგარიშზე 188 გადაცემაა, საიდანაც 157 შემთხვევაში, ბურთი ადრესატამდე მივიდა, ასევე ის ხშირად აკეთებს მწვავე და გამჭოლ გადაცემებს.