სანტიაგო სოლარიმ „ვილიარეალთან“ დაპირისპირების წინ პრესკონფერენცია გამართა...

„პირველ რიგში მსურს, მოგილოცოთ ახალი წელი და გისურვოთ, რომ იყოთ ბედნიერები. 2019 წელი „რეალისთვის“ გამოწვევებით სავსე იქნება, ჩვენ კი ბევრი უნდა ვიმუშავოთ.“

„ჩვენ წინა დღეებში ვცდილობდით, რომ მაქსიმალურად კარგ კონდიციაში შევხვედროდით დაპირისპირებას. „ვილიარეალი“ ძალიან ძლიერი გუნდია და ვთვლი, რომ ბრძოლა მოგვიწევს.“

„ახლა ტრანსფერებზე საუბრის დრო არ არის, ვინაიდან წინ რთული მატჩი გველის, რომელშიც ვალდებულნი ვართ, 3 ქულა მოვიპოვოთ.“

„ისკო დიდებული ფეხბურთელია და ის გუნდს სჭირდება. დარწმუნებული ვარ, ესპანელი დიდ მატჩებს ჩაატარებს.“

„2 სერიოზული დანაკლისი გვაქვს ლორენტეს და მარიანოს სახით, ორივე მოთამაშე ძალიან მჭირდება.“

„თუ „ვილიარეალთან“ გამარჯვება გვსურს, აგრესიული და ტექნიკური ფეხბურთი უნდა ვითამაშოთ. საჭიროა სიზუსტე, როგორც თავდასხმაში, ასევე დაცვაში.“

„„ვილიარეალში“ სერიოზული ცვლილებები მოხდა, მაგრამ მნიშვნელოვანი დეტალები არ შეცვლილა.“

„კეილორ ნავასთან ერთად ვმუშაობთ და გვჯერა, რომ კოსტარიკელი ძალიან ბევრჯერ დაგვეხმარება.“

„გუნდის ტრანსფერებთან დაკავშირებით პრეზიდენტთან საუბარი არ მქონია, ამ საკითხს არ ვადასტურებ.“