მსოფლიო გაოცებულია მესის იმ თამაშით, რაც ის ამ ბოლო ხანებში აჩვენებს. "არსენალთან" თამაშმა ჩააფიქრა პელეგრინი და მან გეგმები დააწყო მესის შესაჩერებლად. ჩილელი სპეციალისტი არბელოას მიუჩენს მესის, დაზღვევის მიზნით დანარჩენ ფეხბურთელებსაც დავალებებს მისცემს და ტაქტიკურად გაანაწილებს, რათა შედგეს გაუვალი კედელი არგენტინელი ფეხბურთელისთვის

რატომ არბელოა? იმიტომ, რომ მან წინა შემთხვევაში კარგად გაართვა თავი ამ ამოცანას. ძირითადი ამოცანა იქნებოდა ის, რომ არ მიიღოს მესიმ ბურთი, მაგრამ ეს შეუძლებელი არის , რადგან ბარსელონა ისეთ გუნდს მიეკუთვნება, რომელსაც ბევრი პასის შესრულების შემდეგ ესა თუ ის ზონა ცარიელი ჩნდება და ამ ზონაში არაა გამორიცხული სწორედ მესი აღმოჩენილიყო. სწორედ ამიტომ გაგო, მასელო, გარაი და ალბიოლი შეტევიდან დაცვაზე სწრაფი გადაადგილებით და პრესინგით იქნებიან დაკავებული , ასევე დაცვის მთლიანი ხაზი დააზღვევს არბელოას მესისთან ორთაბრძოლაში.

მესის არ უნდა ჰქონდეს სივრცე და საიმისოდ დრო, რომ მოიფიქროს შეტევის განვითარება, ანუ მოკლედ რომ ვთქვად ის იძულებული უნდა იყოს გააკეთოს პასი. არგენტინელის მიმართ კარგი პრესინგი გამოიწვევს მის გამოთიშვას თამაშიდან, მაგრამ ამავდროულად ალვეშიც არ უნდა გამოგვრჩეს, როცა ის დაეხმარება მესის დაზღვევის ხაზი იწევს წინ და შეეცდება მესის გადაკეტვას, ხოლო არბელოა შეებმება ალვეშს

ინფორმაციის წყარო:Marca.com