კლუბის მიერ ნაჩვენები თამაშით კმაყოფილი ხართ?

დიახ, რა თქმა უნდა. ჩვენ სრულიად მშვიდად გადავწყვიტეთ ყველა საკითხი, ის უპირატესობა, რაც ჩვენ გვქონდა გოლად ვაქციეთ.

როგორი შთაბეჭდილება დატოვა თქვენზე სერხიო კანალესმა?

კარგი. ის სახიფათო მომენტები, რომლებიც ჩვენს კართან იქმნებოდა, მისი აქტიურობის შედეგი იყო. ამ თამაშში სერხიომ დაამტკიცა, რომ შეუძლია უფრო მაღალ დონეზე თამაში.

კრიშტიანოს წინააღმდეგ რვაჯერ დაარღვიეს თამაშის წესი. რას იტყვით ამასთან დაკავშირებით?

მისი თამაშის მანერა ძალიან ძნელად გამოსაცნობია, რაც თავისთავად აიძულებს მეტოქე კლუბის ფებხურთელებს დაარღვიონ თამაშის წესები მის წინააღმდეგ. საერთოდ ეს თამაში ძალიან უხეში გამოდგა.

მატჩის მიწურულს, რონალდუმ ხელიდან გაუშვა გოლის გატანის შესანიშნავი შანსი...

ასეთი რამ ხშირად ხდება ფეხბურთში. მე უფრო ის დამამახსოვრდა, თუ როგორ უგებდნენ ის და იგუაინი ერთმანეთს. გირჩევთ არ აკრიტიკოთ კრიშტიანუ, უკეთესი იქნება, თუ ყურადღებას გაამახვილებთ იმ ფაქტზე, რომ სწორედ მისი თამაშის დამსახურებით მოვიგეთ ეს შეხვედრა.


ღელავდით თუ არა ამ მატჩის წინ? მითუმეტეს "ელ კლასიკო" კარსაა მომდგარი...

რა თქმა უნდა. საშიშროება იმაში მდგომარეობდა, რომ "მადრიდის რეალის" ფებხურთელებს შესაძლოა სრულიად დავიწყებოდათ "რასინგი" და გონებრივად მთლიანად მომდევნო "კლასიკოზე" გადართულიყვნენ. მაგრამ ასე არ მოხდა. კლუბი ძალიან მობილიზებული გამოვიდა მოედანზე და მშვიდად გაიტანა თავისი. გამორჩევის ღირსია ის ფებხურთელები, რომლებიც არც თუ ისე ხშირად თამაშობდნენ ძირითადში: მეთსელდერი და დიარა. მათ კარგად ითამაშეს, მიუხედავად იმისა, რომ გარკვეული დროის განმავლობაში სათამაშო პრაქტიკის უქონლობას განიცდიდნენ.

რას იტყვით გაგოზე?

ის პრესინგს შესანიშნავად ართმევდა თავს. გაგო სულ უფრო და უფრო უმატებს, როგორც სათამაშო, ასევე ფიზიკური კუთხით. ის ნელ–ნელა კლუბისთვის მნიშვნელოვანი ფიგურა ხდება.