სანტანდერის "რასინგის" მთავარმა მწვრთნელმა, მიგელ ანხელ პორტუგალმა გუშინდელ მატჩთან დაკავშირებით კომენტარი გააკეთა.

"პირველი გაშვებული გოლი კრიშტიანოს დამსახურებაა. მან ყველაფერი თავად გააკეთა, შევიდა საჯარიმოში და ჩვენს მცელს ისღა დარჩენოდა გაერისკა, რის შედეგადაც დაირღვა თამაშის წესი და მადრიდელებმა პენალტის დარტყმის უფლება მოიპოვეს. ვფიქრობ მათ სამართლიანად გაიმარჯვეს."

"პირველი ტაიმი საკმაოდ ნორმალურად ჩავატარეთ. გოლის გატანის რამოდენიმე შანსი გვქონდა, თუმცა იღბალი სამეფო კლუბის მხარეს იყო. შეხვედრის მეორე ნახევარში ვცდილობდით როგორმე ბურთი გაგვეკონტროლებინა, მაგრამ უშედეგოდ."