მადრიდის „რეალისთვის“ 2018 წლის ბოლო თვე ძალიან დატვირთული იქნება.

გარდა იმისა, რომ კლუბს ჩემპიონთა ლიგაზე მე-6 ტურის მატჩის ჩატარება მოუწევს, ასევე რამდენიმე მატჩია დაგეგმილი ლა ლიგაში.

გარდა ამისა, „მერენგები“ მსოფლიო საკლუბო ჩემპიონატზეც იასპარეზებენ და ბევრი ფრენა მოუწევთ.

1 დეკემბერს „ბლანკოსი“ „ვალენსიას“ დაუპირისპირდება, შემდეგ ჩანიშნულია „მელილასთან“ სამეფო თასის განმეორებითი დაპირისპირება, რომელიც 6 დეკემბერს შედგება. 9-ში „ბლანკოსის“ მეტოქე „უესკა“ იქნება, 12-ში მოსკოვის „ცსკა“, ხოლო 15-ში „რაიო ვალეკანო“.

19 დეკემბერს „მერენგები“ მსოფლიო საკლუბო ჩემპიონატზე კაშიმა ანტლერსისა და გუადალახარას შორის გამარჯვებულს შეხვდებიან, სადაც მოგების შემთხვევაში ფინალურ მატჩს 22 დეკემბერს გამართავენ.