დანიელ კარვახალმა „რომასთან“ მატჩისწინა პრესკონფერენცია გამართა...

„რთული თამაში გველის, კიდევ ერთი ბრძოლაა საჭირო, სადაც უძლიერესი გაიმარჯვებს. დარწმუნებული ვარ, მთავარი მწვრთნელის ყველა მითითების შესრულების შემთხვევაში გამარჯვებას მივაღწევთ.“

„ფეხბურთი ისეთი სპორტია, სადაც ვერასდროს გაიგებ რა მოხდა. ფაქტია, რომ ახალ სეზონებთან ერთად მოდის ახალი გამოწვევები და უამრავი კონკურენტი ჩნდება.“

„ჩვენ ახლა ნამდვილად არ ვართ საუკეთესო კონდიციაში, თუმცა უნდა აღინიშნოს, რომ ჯერ მხოლოდ ნოემბერია და დიდი შანსი გვაქვს ვითარება გამოვსწოროთ.“

„ტრავმამ დიდი ხნის მანძილზე ჩამომაშორა მოედანს, მაგრამ ახლა სათამაშოდ მზად ვარ. რომში ცუდი ამბავი დაგვხვდა, სტადიონზე საფარი საშინელ მდგომარეობაშია და იმედია 1 დღის განმავლობაში ინტენსიური მუშაობის შედეგად ვითარება შეიცვლება. ასეთ საფარზე თამაში ორივე გუნდის ფეხბურთელების ტრავმის რისკს ზრდის.“

„„რომას“ არასდროს არცერთი მეტოქის არ ეშინოდა და ასე იქნება ახლაც. უნდა გავიხსენოთ, რომ იტალიური კლუბი შარშან ჩემპიონთა ლიგის 1/2 ფინალში გავიდა.“

„სეზონი ახლა დაიწყო, ყველაფერი წინ არის. გასაგებია, რომ ბევრი ქულა დავკარგეთ, მაგრამ ვითარების გამოსწორება თავისუფლად არის შესაძლებელი.“

„ლოპეტეგისთან დაკავშირებით პირადი აზრი მაქვს და არავის მივცემ უფლებას ჩემი პოზიცია დააკნინოს. ჟულიენი შესანიშნავია.“