სოლარი:„მე „რეალში“ დიდი მიზნები მაქვს“
სანტიაგო სოლარიმ „რომასთან“ მატჩის წინ პრესკონფერენცია გამართა...
„ისტორიის მანძილზე „რეალს“ ყოველთვის დიდი კონკურენტები ჰყავდა, მაგრამ გამარჯვებას აღწევდა. ჩვენ უნდა ვითამაშოთ, როგორც ჩემპიონებმა და 3 ქულა ჩავიწეროთ აქტივში.“
„„ბლანკოსს“ არაერთი კრიზისი გადაულახავს და არაერთი გამოცდა ჩაუბარებია. შემიძლია ახლავე დავტოვო კლუბი, თუ მივხვდები, რომ პერსპექტივა არ არსებობს, მაგრამ მერწმუნეთ, აქ სწორედ იმიტომ ვარ, რომ დიდი მიზნები მაქვს.“
„სერხიო რამოსი არამხოლოდ „რეალის“, არამედ სრულიად ესპანური ფეხბურთის სახეა და მის რეპუტაციაზე ვერანარი უსაფუძვლო ბრალდება ვერ იმოქმედებს.“
„ისე უნდა ვითამაშოთ, როგორც მაშინ, როდესაც ზედიზედ 4 გამარჯვება დავაფიქსირეთ. წინა მარცხი გავაანალიზეთ და ვფიქრობ, ფეხბურთელებმა ყველაფერი კარგად გააცნობიერეს.“
„აუცილებელია კოლექტიური პასუხისმგებლობის განცდა. ჩვენ ერთი გუნდი ვართ.“
„იტალიას კარგად ვიცნობ, რადგან „ინტერის“ შემადგენლობაში 3 წელი გავატარე და ჩემპიონიც გავხდი. რომის ოლიმპიურ სტადიონზე გოლიც მაქვს გატანილი, რომელიც არასდროს დამავიწყდება.“
„კაზემიროს პრობლემების გამო მისი შეცვლა გვიწევს, მაგრამ მერწმუნეთ, ბრაზილიელს სერიოზული არაფერი აწუხებს.“
„სებალიოსს პოზიცია შევუცვალე, თუმცა ამ გადაწყვეტილებას იძულებითი ხასიათი ჰქონდა.“
„ისკო შესანიშნავია, ესპანელ ფეხბურთელს უდიდეს ნიჭს ვხედავ. გუნდში 24 ფეხბურთელი მყავს და შანსს ყველას მივცემ.“
- 26 ნოემბერი 2018
- 2 559
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
