ბენზემა:„სოლარი ძალიან ჰგავს ზიდანს“
კარიმ ბენზემამ „რეალის“ ოფიციალურ ვებ-გვერდთან ვრცელი და მრავლისმომცველი ინტერვიუ ჩაწერა...
„მოედანზე ყოველი გასვლა ჩემთვის უდიდესი ბედნიერებაა. ეს ჩემთვის ბევრს ნიშნავს. ეს წელი ყველასთვის მნიშვნელოვანია, ვინაიდან ჩემპიონთა ლიგაზე ჰეთ-თრიკის შესრულების შემდეგ ყველას აინტერესებს რა შეგვიძლია ახლა. ჩემი მოტივაცია ანალოგიურია და მოედანზე ყოველთვის ბოლომდე ვიხარჯები.“
„კრიშტიანო გვყავდა, მაგრამ ახლა აღარ გვყავს, ამიტომ მასთან ერთად თამაში უნდა დავივიწყოთ და ყველაფერი თავიდან დავიწყოთ. „რეალი“ მსოფლიოს საუკეთესო კლუბია, ამიტომ გულშემატკივართა მოთხოვნები რა თქმა უნდა, ძალიან მაღალი სტანდარტისაა.“
„ვერასდროს წარმოვიდგენდი, რომ „რეალის“ მაისურით 200 გოლიან ნიშნულს გადავცდებოდი, ეს ჩემთვის უდიდესი პატივია. ყოველთვის ვცდილობ გოლების გატანას და გუნდის დახმარებას, თუმცა უნდა აღინიშნოს, რომ ჩემთვის არასდროს ჰქონია მნიშვნელობა მეტოქის კარს მე ავიღებდი თუ თანაგუნდელი.“
„სეზონში გატანილი გოლების მიხედვით საუკეთესო მაჩვენებელი 32-ია. წელს კი ვეცდები, რეკორდი დავამყარო.“
„სერხიო ძალიან ღირსეული კაპიტანია. მიხარია, რომ გუნდის სათადარიგო კაპიტნებს შორის ვარ, ეს ჩემთვის დიდი პატივია. ძალიან დიდ გამოცდილებას ვფლობ და ვცდილობ, ახალგაზრდებს ბევრი ვასწავლო და გამოცდილება გავუზიარო.“
„ძალიან მიყვარს ბურთთან ერთი ან ორი შეხებით თამაში, თუმცა არც ფინტების გაკეთებაზე ვაცხადებ უარს.“
„დაუვიწყარი მომენტი? რა თქმა უნდა, „ლა დესიმა“, მსგავსი განცხადა არასდროს მქონია, ვინაიდან ბოლო წამს მივხვდი, რომ თასის აწევის შანსი მოგვეცა.“
„ჩემპიონთა ლიგა 4-ჯერ მაქვს მოგებული, მაგრამ კიდევ ვაპირებ ბრძოლას.“
„„ბლანკოსის“ მიზანი ყოველთვის იყო და არის ყველა იმ ტურნირის მოგებაზე, რომელზეც გამოდის.“
„სანტიაგო სოლარი ფანტასტიკური მწვრთნელია, როდესაც მას ვესაუბრები ზიზუ მახსენდება, მათი სტილი იდენტურია. სოლარის უყვარს ბურთი ფლობა, მაგრამ ასევე უდიდეს მნიშვნელობას ანიჭებს შეტევაში სწრაფ გადასვლასა და კონტრ-შეტევებზე მომაკვდინებელ თამაშს.“
„ბეილი „მერენგების“ რიგებში ყველაზე სწრაფი ფეხბურთელია, მისი აჩქარებებით მეტოქე გუნდის ფეხბურთელებს მუდმივად პრობლემა ექმნებათ.“
„ვამაყობ კაზემიროთი, მისი იმედი ყველა ფეხბურთელს აქვს.“
„ოდრიოზოლამ ადაპტაცია სრულად გაიარა, ის ყველა ფეხბურთელს ბრწყინვალედ უგებს.“
„მესიჯი ქომაგებს? მე მჯერა თქვენი და თქვენი მხარდაჭერის, ჰალა მადრიდ!“
- 23 ნოემბერი 2018
- 1 627
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
