ესპანური გამოცემა EL Bernabeu იუწყება, რომ მადრიდის „რეალის“ ხელმძღვანელობის ინტერესი ქართველი ფეხბურთელის, გიორგი ჩაკვეტაძის შეძენას უკავშირდება...

ახალგაზრდა შემტევის საოცარმა თამაშმა მსოფლიო გრანდების ყურადღება მიიპყრო. ყველაზე ხშირად „ბარსელონას“ ინტერესის შესახებ ისმოდა, მაგრამ როგორც სჩანს, გიორგის დიდი პროგრესი და პერსპექტივა ფლორენტინო პერესმაც შენიშნა და სასურველ ფეხბურთელთა სიაში შეიყვანა.

ფლორენტინო აქცენტს ახალგაზრდებზე აკეთებს, მის გეგმებში მბაპეს, ერმოსოს და სხვა ფეხბურთელების შეძენა იყო, რომელსაც ახლა უკვე ქართველი ფეხბურთელიც დაემატა.

სხვა დეტალები ამ საკითხთან დაკავშირებით არ ვრცელდება, თუმცა პრესაში არაერთხელ დაწერილა, რომ თავად ფეხბურთელს „რეალი“ უყვარს და ამ კლუბში თამაში ძალიან სურს.

წარმატებები გიორგის და იმედი ვიქონიოთ, ახდება ყველა ქართველის ოცნება და ის მსოფლიო დონის გრანდში ითამაშებს!