სამეფო კლუბის ყოფილმა ფეხბურთელმა, ვან ნისტელროიმ განაცხადა, რომ მოხარულია ჰამბურგში გადასვლით, რადგან იქ გაცილებით უფრო მეტი სათამაშო დრო ეძლევა და გოლების გატანაც უფრო უადვილდება...

"არ ვნანობ გერმანიაში გადმოსვლას, ჰამბურგს ძალიან მეგობრული გუნდი ჰყავს, ყველა კარგად დამხვდა და ნელ-ნელა ვეჩვევი აქაურ სიტუაციას. სამეფო კლუბში წელს ცუდი სეზონი მქონდა, ხან ტრავმები მიშლიდა ხელს თამაშში, ხან მწვრთნელი არ მენდობოდა, თუმცა წინა სეზონების დავიწყება არ შეიძლება, მე რეალში რამდენიმე მართლაც კარგი წელი გავატარე და მადლობელი ვარ".

"ევროპის ლიგაზე ჩვენ დამაჯერებლად გამოვდივართ, ბედნიერი ვარ, რომ ვახერხებ გოლების გატანას და გუნდის დახმარებას, ვაპირებ უფრო მოვუმატო და მეტი გოლი გავიტანო".

"კარიერის დასრულებაზე ჯერ-ჯერობით არ ვფიქრობ, მაგრამ ალბათ ბოლო სეზონს სამშობლოში გავატარებ, ზუსტად ვერაფერს გეტყვით, ერთი ვიცი, რომ ფეხბურთის თამაში კიდევ რამდენიმე წლის მანძილზე შემეძლება და ამ სიამოვნებას ვერ მოვიკლებ".