სამეფო კლუბის ესპანელმა ნახევარმცველმა, ხაბი ალონსომ განაცხადა, რომ მანუელ პელეგრინი მის შემცვლელს იოლად იპოვის და დააყენებს ძირითად შემადგენლობაში სანტანდერის რასინგის წინააღმდეგ...

"ვწუხვარ, რომ რასინგთან მატჩის გამოტოვება მიწევს, თუმცა დარწმუნებული ვარ გუნდში ჩემი შემცვლელი მოიძებნება. მანუელ პელეგრინი მაღალი დონის მწვრთნელია და მან ზუსტად იცის თუ ვის შეუძლია ჩემს პოზიციაზე კარგად თამაში".

"მთელი გუნდი სანტანდერზეა ფოკუსირებული. მხოლოდ რასინგთან მატჩის შემდეგ დავიწყებთ ფიქროს "ელ კლასიკოზე", რომელიც სანტიაგო ბერნაბეუზე გაიმართება. საკუთარ მოედანზე მოგება გვმართებს".

"ჩვენ გვჯერა საკუთარი ძალების და ყველა მატჩში დამაჯერებლად გავდივართ მოედანზე. ასე იქნება მომდევნო თამაშებშიც".