სოლარი:„მე მაქვს იდეა, რომელიც ფეხბურთელებს შევთავაზე“
სანტიაგო სოლარიმ „სელტასთან“ მატჩის წინ პრესკონფერენცია გამართა...
„წინ სერიოუზული მატჩი გვაქვს, ამიტომ მაქსიმალურად ფოკუსირებულები უნდა ვიყოთ. გუნდს „სელტას“ სახით აგრესიული მეტოქე ეყოლება, ამიტომ ყველაფერი უნდა გავაკეთოთ გამარჯვებისთვის.“
„ყველაფერი კარგად არ არის, მაგრამ გუნდი აშკარად პროგრესირებს და შეუძლია, რომ სატურნირო მდგომარეობა მნიშვნელოვნად გაიუმჯობესოს.“
„მე მაქვს ახალი იდეა, რომელიც ფეხბურთელებს გავაცანი და კმაყოფილი ვარ. ჩემი იდეა იმაში მდგომარეობს, რომ ყველა ფეხბურთელი მაქსიმალურად იყოს ჩართული გუნდის საქმიანობაში. აუცილებელია, რომ მოედანზე გასვლის საშუალება „კასტილიელ“ ფეხბურთელებს მიეცეთ. ვინიციუსი, ხავი სანჩესი, რეგილონი და სხვები ბევრს მუშაობენ.“
„სერხიო ძალიან საამაყო კაპიტანია. ესპანელმა ფეხბურთელმა არაერთხელ დაამტკიცა, რომ უდიდეს კლასს ფლობს. ფეხბურთი კონტაქტური სპორტია, ამიტომ მასთან შეჯახების დროს დაზიანება არასდროსაა გამორიცხული.“
„კიდევ ერთხელ გეტყვით, არ მსურს ფიქრი წასვლაზე. მხოლოდ ხვალინდელ მატჩზე ვარ ორიენტირებული, ვინაიდან მნიშვნელოვანი 3 ქულა უნდა მოვიპოვოთ.“
„გარეთ ბეილს შეუცლია როგორც მარჯვნივ, ასევე მარცხნივ თამაში. უელსელი ასევე ეფექტურია უკან თამაშის დროს და შესანიშნავად ეხმარება მცველებს.“
„ვინიციუსი ბრწყინვალე ფიგურაა, ის ადაპტაციას გადის ესპანურ ფეხბურთთან და ეჭვი არ მეპარება, უმაღლეს მწვერვალებს დაიპყრობს. იგივე შემიძლია ვთქვა რეგილონსა და ოდრიოზოლაზე.“
„ისკო ინტელიგენტი ფეხბურთელია, მისი საფეხბურთო ინტელექტი ნებისმიერ მწვრთნელს გააოცებდა.“
„კეილორი? ის გუნდის ერთგულია და აუცილებლად გავა მოედანზე, მას არაერთხელ ჩავრთავთ თამაშში.“
- 11 ნოემბერი 2018
- 4 857
- 6