სოლარი:„მსურს გავაკეთო განცხადება და მივმართო ქომაგებს“
სანტიაგო სოლარიმ „პლზენის“ განადგურების შემდეგ პრესკონფერენცია გამართა...
„თუ ხასიათით არ ითამაშებ და შემართული არ იქნები ჩემპიონთა ლიგის მატჩს 5 ბურთიანი სხვაობით ვერ მოიგებ. ეს იყო შესანიშნავი მატჩი, სადაც „რეალის“ ყველა ფეხბურთელი ბოლომდე დაიხარჯა.“
„კრიზისი? მსურს მივმართო „რეალის“ ყველა ქომაგს და განვუმარტო, რომ გუნდში კრიზისი არც ყოფილა, თუმცა ჩავარდნების სერია წარსულს ჩაბარდა. ზედიზედ მესამე მატჩი მოვიგეთ და ბედნიერი ვარ. როდესაც „რეალი“ იგებს მოთხოვნები მაინც ბევრია, აქედან გამომდინარე, ჩვენ ამას უნდა შევეჩვიოთ.“
„მნიშვნელოვანია, რომ კარის მშრალად შენახვა მოვახერხეთ. მიმდინარე სეზონში ამ კომპონენტში მოვიკოჭლებთ.“
„კეილორ ნავასს დიდ პატივს ვცემ, ის პროფესიონალი სპორტსმენია. კონკრეტულად ამ მატჩისთვის კურტუა ავირჩიე, თუმცა კოსტარიკელს აუცილებლად მიეცემა შანსი, ის შესანიშნავი პიროვნებაა.“
„სეზონი სხვადასხვა ეტაპად იყოფა. ჩვენ არ გვეშინია სირთულეების. ამ მატჩის მოგებამ გაგვახარა ახლა კი ლა ლიგაზე გადავერთვებით.“
„ჩვენ გამოცდა ფრიადზე ჩავაბარეთ, ახლა კი შიდა ჩემპიონატზე ვფიქრობთ. არ მაქვს უფლება ვიმსჯელო და ვისაუბრო დავრჩები თუ არა „რეალის“ მწვრთნელად. მე აქ მოსაგებად მოვედი.“
„შესანიშნავი ახალგაზრდები გვყავს. ოდრიოზოლა და რეგილონი ფლანგებიდან მუდმივად ქმნიან საფრთხეს. ასევე გუნდში ადაპტაციას გადის ხავი სანჩესი, რომელსაც უდიდესი მომავალი აქვს.“
- 8 ნოემბერი 2018
- 8 105
- 64