როგორც ესპანური გამომცემლობა "AS"-ი იუწყება მადრიდის "რეალი" ახალგაზრდა გარემარბის შეძენით არის დაინტერესებული...

22 წლის ალფონსო პერდასა გახლავთ ერთ-ერთი კანდიდატი მარცხენა ფლანგის გასაძლიერებლად. ფაქტია, რომ მარსელოს ასაკი ემატება, ხოლო ბრაზილიელს ღირსეული შემცვლელი არ ყავს. პერდასა სწორედ მის შემცვლელად მოიაზრება.
ის ვილიარეალის აღზრდილი და ამ კლუბის საკუთრებაა. მიმდინარე სეზონში შესანიშნავად გამოიყურება და არც არის გასაკვირი, რომ მის მიმართ ინტერესი დიდმა კლუბებმა გამოიჩინეს. პერდასა მარცხენა თავდამსხმელად თამაშობდა, ასევე იყო მარცხენა გარემარბი, ამჟამად კი დაცვის მარცხენა ფლანგზე თამაშობს.
გასულ სეზონში პერდასა იჯარის წესით განათხოვრებული იყო ალავესში სადაც 37 შეხვედრაში მოახერხა 6 ასისტისა და 4 გოლის გატანა.
2015 წელს 19 წლამდელ თანატოლებთან ერთად გახდა ევროპის ჩემპიონი, აღსანიშნავია, რომ მისი თანაგუნდელები ნაკრებში იყვნენ მარკო ასენსიო, დანი სებალოსი, ხესუს ვალიეხო და ბორხა მაიორალი.
იმ შემთხვევაში თუ რეალი გადაწყვეტს ფეხბურთელის შეძენას 22 მილიონი ევროს გახდა მოუწევს, სწორედ აღნიშნული თანხა წარმოადგენს ფეხბურთელის გამოსასყიდ ფასს.