სოლარი:„უნდა გამოვიყენო ბოძებული შანსი, სხვაზე არაფერზე ვფიქრობ“
სანტიაგო სოლარიმ „ვალიადოლიდის“ დამარცხების შემდეგ პრესკონფერენცია გამართა...
„ეს მოგება ყოველმხრივ მნიშვნელოვანი იყო. გარდა იმისა, რომ სატურნირო ცხრილში სიტუაცია გავიუმჯობესეთ, ბიჭებმა მებრძოლი სული აჩვენეს. ჩვენ გვიჭირდა, მაგრამ საბოლოო ჯამში მაინც გავიმარჯვეთ და 3 ქულა მოვიპოვეთ. ეს იყო რთული და კომპაქტური თამაში, რომელიც საბოლოო ჯამში „რეალის“ მოგების დასრულდა.“
„80 000 ქომაგის წინაშე თამაშს ყოველთვის აქვს ემოციური დატვირთვა. ჩვენ უდიდეს მხარდაჭერას ვგრძნობდით და იმედს არ ვკარგავდით, რამაც საბოლოო ჯამში შედეგი მოგვცა.“
„11 წლის მანძილზე „ბლანკოსის“ ღირსების დამცველი ვიყავი, ბერნაბეუზე ყველა კუთხეს შესანიშნავად ვიცნობ, ამიტომ ეს გარემო ჩემთვის უცხო არ არის.“
„აუცილებელია იმპულსი. ყველა მატჩს 7:0-ს ვერ მოიგებ. ამ დღით კმაყოფილი ვარ და ვთვლი, რომ პროგრესი შეგვიძლია. ჩვენ კონკურენტუნარიანი გუნდი გვყავს.“
„ფეხბურთი ყოველთვის იყო და არის ემოციური სპორტი. როგორც კი მუხტი მივიღეთ, მაშინვე აგრესიული ფეხბურთის თამაში დავიწეთ, რაც პირდაპირ აისახა შედეგებზე.“
„ვინიციუს ჟუნიორი შესანიშნავი ფიგურაა, მას მოედანიზე გასვლის წინ ვუთხარი, რომ ძალიან აქტიურად უნდა ეთამაშა და ასეც მოხდა. ბრაზილიელ ასეთ მაღალ დონეზე თამაშს მიჩვეული არ არის, მაგრამ ადაპტირების პროცესი შესანიშნავად მიმდინარეობს.“
„„რეალი“ ძალიან მრავალმხრივი გუნდია. ჩვენ გვყავს ბეილი, რომელსაც არაერთ პოზიციაზე შეუძლია ეფექტურად თამაში, ასევე კაზემირო, ასენსიო, ისკო, ვასკესი და სხვები.“
„მე ვფიქრობ, რომ ბენზემა წლების მანძილზე სტილს იცვლიდა. ის არ არის ტიპიური ფორვარდი.“
„თუ მთავარი მწვრთნელის პოსტს დამატოვებინებენ, გადაწყვეტილებას გაგებით მოვეკიდები, ვინაიდან გუნდის სათავეში დროებით ვარ მოსული, არანაირი პრობლემა არ არსებობს. ჩემი მიზანი ის არის, რომ ბოძებული შანსი სრულად გამოვიყენო და ყველა მატჩი მოვიგო, რომელსაც „რეალის“ თავკაცის რანგში გავმართავ. ჯერ-ჯერობით 100%-იანი შედეგი მაქვს და ძალიან გახარებული ვარ.“
- 4 ნოემბერი 2018
- 3 040
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
