მილანის "ინტერის" ჰოლანდიელმა ნახევარმცველმა, უესლი სნეიდერმა, განაცხადა, რომ მისი ოცნებაა ჩემპიონთა ლიგის ფინალში გასვლა და ბერნაბეუზე გამარჯვება...

"ინტერს ძალიან კარგი შანსი აქვს ლიგის მოგების, რადგან საუკეთესო ფორმაშია. ჟოზე მაურინიოსთან მუშაობა ნებისმიერი ფეხბურთელისთვის დიდი პატივია. მე ბედნიერი ვარ, რომ ვთამაშობ ინტერში, სადაც საკუთარი თავი ვიპოვე".

"ჩემპიონთა ლიგაში ყველაფერი კარგად მიდის და დარწმუნებული ვარ შევძლებთ ფინალში გასვლას. როდესაც რეალში ვთამაშობდი ჩემი ოცნება იყო ამ ტურნირის მოგება, თუმცა სამეფო კლუბში გატარებული წლები არ მეყო ლიგის მოსაგებად".

"ინტერი უფრო ძლიერი გუნდია ვიდრე რეალი და ამაზე ისიც მეტყველებს, რომ მადრიდელები უკვე გამოეთიშნენ ჩემპიონთა ლიგას, ხოლო ინტერი ხსენებული ტურნირის უდავო ფავორიტია. მე ვიქნები ბედნიერი თუ დავბრუნდები ბერნაბეუზე და ვიზეიმებ ჩემპიონობას".