ყოფილმა მადრიდელმა, კარემბემ სამეფო კლუბში არსებულ სიტუაციაზე ისაუბრა...

„ძალიან რთულია ისაუბრო კრიშტიანო რონალდუზე წარსულში, ვინაიდან ის მარადიულად მადრიდელია. „რეალმა“ გაუშვა ფეხბურთელი, რომელიც ყოველ წელს „პიჩიჩისთვის“ იბრძოდა, „ბლანკოსმა“ გაუშვა ფეხბურთელი, რომელიც რამდენჯერმე გახდა ჩემპიონთა ლიგის ბომბარდირი და ისტორიული რეკორდები დაამყარა. დარწმუნებული ვარ, „შვიდიანის“ სარეკორდო შედეგი წლების მანძილზე ვერ დაემხობა.“

„წინ „ელ კლასიკოა“. ვფიქრობ, მესის და რონალდუს გარეშე ეს მატჩი ინტრიგას და ინტერესს არ დაკარგავს, ვინაიდან რამდენიმე დებიუტანტი იქნება.“

„ახლა „რეალში“ ყველაფერი რამოსზეა დამოკიდებული. კაპიტანი დაკისრებულ მოვალეობას შესანიშნავად ართმევს თავს, მაგრამ ისიც უნდა გავითვალისწინოთ, რომ სერხიო მცველია და იგივე რაოდენობის გოლების გატანა არ შეუძლია, რასაც რონალდუ ახერხებდა, ამიტომ „მერენგებმა“ დამატებითი რესურსი უნდა მოიძიონ, მე სხვა გზას ვერ ვხედავ.“

„ის, რომ ლა ლიგის გუნდების ფინანსური მდგომარეობა უფრო დასტაბილურდა, ცხრილსაც ეტყობა. იმის თქმა დანამდვილებით შემიძლია, რომ ესპანეთის პირველობის მოგება ისევე მარტივი არ იქნება, როგორც თუნდაც 2 და 3 წლის წინ იყო. ჩვენ ვხედავდით „რეალს“, „ბარსელონას“ და „ატლეტიკოს“, ახლა კი ასპარეზზე „ვალენსია“, „სევილია“ და სხვა გუნდებიც გამოჩდნენ.“

„აღსანიშნავია, რომ ცხრილის ფსკერსა და მე-8 პოზიციას შორის სხვაობა მხოლოდ 5 ქულაა, რაც კიდევ ერთხელ მიუთითებს უდიდეს კონკურენციაზე.“