მარსელო ვიეირამ „პლზენთან“ შესანიშნავი გოლი გაიტანა. ბრაზილიელმა მატჩის შემდეგ კომენტარი გააკეთა...

„მიუხედავად იმისა, რომ „პლზენს“ ჩემპიონთა ლიგაზე დიდი ავტორიტეტი არ აქვს, ამ გუნდმა კიდევ ერთხელ დაამტკიცა, რომ ევროპის ყველაზე პრესტიჟულ ტურნირზე ყველა გუნდი ძლიერია. ფაქტია, რომ საშუალო დონის გუნდები გრანდებთან შესანიშნავად გამოდიან.“

„მნიშვნელოვანია, რომ გავიმარჯვეთ და აქტივში 3 ქულა ჩავიწერეთ. 3 ტურის შემდეგ 6 ქულას ვფლობთ და მიზნად კვლავ პირველ ადგილზე გასვლას ვისახავთ.“

„ჩვენ ადამიანები ვართ და მხარდაჭერა გვესაჭიროება. შესაძლოა, გუნდი საუკეთესო ფეხბურთს არ თამაშობს, მაგრამ წინ „ელ კლასიკოა“, სადაც დიდი ნდობა უნდა ვიგრძნოთ.“

„თამაშს მხოლოდ მწვრთნელი არ აგებს. აქ მონაწილეობას ფეხბურთელებიც იღებენ. თუ „ელ კლასიკოს“ ვერ მოვიგებთ, არამგონია, რომ ლოპეტეგი გაუშვან.“