მადრიდის „რეალის“ ქომაგები ძალიან იმედგაცრულებულნი არიან, თუმცა ისტორია ნამდვილად იძლევა იმის საფუძველს, რომ ოპტიმიზმის განცდა არსებობდეს...

ესპანური გამოცემები იხსენებენ „ალკორკონს“, „მონაკოსთან“ წაგებულ გადამწყვეტ მატჩს, ფატალურ შედეგს ტურინში, არაერთი მწვრთნელის ცვლილებას, „5:0 ნოუ კამპზე, წარუმატებელ სერიას ჩემპიონთა ლიგაზე და ასე შემდეგ, თუმცა ყველაფერი გამოსწორებადია.

ფაქტია, რომ „რეალს“ ისტორიაში ერთ-ერთი ყველაზე მძიმე ეპოქა უდგას. ჟულიენ ლოპეტეგი ყველა დროის ანტირეკოდის ავტორი გახდა. გარდა იმისა, რომ „რეალმა“ ბოლო 5 მატჩი საერთოდ ვერ მოიგო, გუნდს გოლის გატანაც კი უჭირს.

დადგა გადამწყვეტი კვირა. გავრცელებული ინფორმაციით, ლოპეტეგის „ელ კლასიკომდე“ მისვლის დროსაც არ მისცემენ, თუმცა მომდევნო დღეებში ყველაფერი გაირკვევა. ის კი დანამდვილებით შეგვიძლია ვთქვათ, რომ „ელ კლასიკოში“ წარუმატებლობის შემთხვევაში „ბლანკოსის“ მთავარი მწვრთნელის პოსტი 100%-ით ვაკანტური გახდება.