პერესი:,,უდავოა, რომ მოდრიჩი საუკეთესო იყო"
ფლორენტინო პერესმა „ფიფას“ გალა-დაჯილდოვების შემდეგ ჟურნალისტებთან ისაუბრა...
„ძალიან ბედნიერი ვარ, რადგან ვმართავ კოლექტივს, რომლის რამდენიმე წევრი „ფიფამ“ აღიარა, ლუკა მოდრიჩი კი წლის საუკეთესო ფეხბურთელად დასახელდა.“
„კრიშტიანო რონალდუსთან დაკავშირებით განცხადებას არ გავაკეთებ, რადგან ის „იუვენტუსის“ ფეხბურთელია, მე კი „რეალის“ პრეზიდენტი. დღეს ვსაუბრობ მხოლოდ მოდრიჩზე და იმ ფეხბურთელებზე, რომლებიც საუკეთესო თერთმეტეულში მოხვდნენ.“
„ამდენი ფეხბურთელის აღიარება ავტომატურად ნიშნავს იმას, რომ მსოფლიოში საუკეთესო გუნდი გვყავს.“
„ეჭვი არავის ეპარებოდა, რომ ლუკიტა მოდრიჩი საუკეთესო გახდებოდა, ხორვატი მთელმა მსოფლიომ აღიარა.“
„გენერალურ ასამბლეაზე განვაცხადე, რომ ჩვენ ეპოქალური პერიოდი გვაქვს. ის მოტივაცია და ენთუზიაზმი, რომელიც ფეხბურთელებს აქვთ მართლაც სამაგალითოა.“
- 25 სექტემბერი 2018
- 2 307
- 1