ლოპეტეგი:„24 სექტემბერს მოდრიჩი უნდა აღიარონ და არა რონალდუ“
ჟულიენ ლოპეტეგიმ „ესპანიოლთან“ მატჩის წინ პრესკონფერენცია გამართა...
„ჩვენ ძალიან კარგად ვიცით, რომ 15 დღის განმავლობაში 5 მატჩის გამართვა იოლი არ არის, მაგრამ როდესაც პრეტენზიას ყველა ტურნირის მოგებაზე ვაცხადებთ, ასევე ყველაფრისთვის მზად უნდა ვიყოთ.“
„24 სექტემბერს საუკეთესო მოდრიჩი უნდა გახდეს, რონალდუ კი ნამდვილად დიდებული ფეხბურთელია. ჩემი ხმა ხორვატს ეკუთვნის, მე მას დიდ პატივს ვცემ.“
„რონალდუს გაძევება? უკვე დანერგილია VAR სისტემა, რომლის გამოყენებაც აქტიურად შეიძლება, სხვას ვერაფერს ვიტყვი და ამ თემაზე შეკითხვა აღარ დამისვათ.“
„სამწუხაროდ, ერთი ფეხბურთელი გამოგვაკლდა, ეს ადამიანი დანიელ კარვახალია, რომელსაც დისკომფორტი აქვს და ვარჯიშზე ვერ დაიტვირთა, მას ალტერნატივას მოვუძებნით.“
„100 დღე გავიდა მას შემდეგ, რაც „ბლანკოსის“ მწვრთნელი ოფიციალურად ვარ. ყველაფერი სწრაფად ვითარდება, თუმცა მოვლენები ჯერ კიდევ წინ არის.“
„„ესპანიოლს“ მოსამზადებლად მთელი კვირა ჰქონდა, აქედან გამომდინარე, კატალონიელი ფეხბურთელები მატჩს მომზადებულები და დასვენებულები შეხვდებიან.“
„ვინიციუსი? განაცხადს ხვალ გაიგებთ, რაც ყველაფერს გაარკვევს.“
„ოდრიოზოლა კარგად მუშაობს, არ არის გამორიცხული დანის ნაცვლად მოედანზე სწორედ ესპანელმა იასპარეზოს.“
„დებატები, რომელიც კრიშტიანო რონალდუს და მადრიდის „რეალის“ ირგვლივ მიმდინარეობს ჩემი ინტერესის არეალიდან გასულია, სხვა თემებით უფრო ვინტერესდები.“
„კეილორ ნავასს და ტიბო კურტუას მთელი სეზონის მანძილზე ძალიან დიდი კონკურენცია მოუწევთ, მე აღფრთოვანებული ვარ მათი მონდომებით და თამაშის ხარისხით.“
„კრიტიკას აუცილებლად უნდა მოუსმინო, თუმცა დიდხანს არ იფიქრო. მთავარია წინსვლა, ბევრი მუშაობა და აქტიურობა. „რომასთან“ მატჩის წინ ყველა გვაკრიტიკებდა და ხაზი გადაგვისვა, მატჩის შემდეგ კი ქების მეტი არაფერი მომისმენია. ეს ბუნებრივი მოვლენაა. მთავარი ის არის, რომ ფეხბურთელებმა მობილიზებულად იასპარეზონ და ბევრი იშრომონ.“
- 21 სექტემბერი 2018
- 5 694
- 56