ლოპეტეგი:,,ჩემპიონთა ლიგას დიდი მნიშვნელობა მიენიჭება"
ჟულიენ ლოპეტეგიმ „რომასთან“ მატჩის წინ პრესკონფერენცია გამართა...
„ჩემპიონთა ლიგას დიდი ენთუზიაზმით ვუბრუნდები, რადგან ვწვრთნი გუნდს, რომელიც ზედიზედ 3 წელია იგებს საპატიო თასს. მე ვთვლი, რომ კოლექტივის მოტივაცია კიდევ უფრო გაიზრდება.“
„კრიშტიანოზე განცხადების გაკეთება არ მსურს, რადგან ის „რეალს“ არ ეკუთვნის, სხვა ფეხბურთელებთან დაკავშირებით შემიძლია გესაუბროთ.“
„ვინიციუსი და მარიანო გუნდს გამოადგებიან, როგორც ლა ლიგაში, ასევე ჩემპიონთა ლიგის მატჩებში.“
„რაფაელ ვარანი ერთ-ერთი ყველაზე ტიტულოვანი ფეხბურთელია, მან საკუთარ კოლექციას მსოფლიო თასიც შემატა, მის ასაკში ამხელა ჯილდო პირდაპირ უკავშირდება უმაღლეს კლასს და გამოცდილებას.“
„ვერ გეტყვით, როგორ სტილში ვითამშებთ ხვალ, ყველაფერს სტადიონზე იხილავთ.“
„სასტარტო შემადგენლობის შესახებ გადაწყვეტილება არ მიმიღია, აქედან გამომდინარე, ვერაფერს გეტყვით. იმის თქმა შემიძლია, რომ საუკეთესო თერთმეტეულს გამოვიყვან, რომელიც „რომასთან“ ბოლომდე იბრძოლებს. იტალიელთა სახით მძიმე მეტოქე გვყავს, ზაფხულში ისინი მნიშვნელოვნად გაძლიერდნენ.“
„მე არ ვარ „რომას“ მთავარი მწვრთნელი, მაგრამ დარწმუნებული ვარ, რომ ეს კლუბი მაქსიმალურად შეეცდება საკუთარი თამაშის ჩვენზე მოხვევას და სიტუაციის კონტროლს, რაც ნამდვილად არ უნდა დავუშვათ.“
„გამომდინარე იქედან, რომ მძიმე კალენდარი გვაქვს, ყველა ფეხბურთელს მიეცემა შანსი.“
- 18 სექტემბერი 2018
- 1 979
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
