მადრიდის „რეალი“ დღეს ბილბაოს „ატლეტიკს“ მათსავე მოედანზე ესტუმრება. აღსანიშნავია, რომ ბასკური კლუბი ფრანგი ფორვარდი, კარიმ ბენზემასთვის ერთ-ერთი საყვარელი მეტოქეა...

მადრიდელ „9“-იანს „ბილბაოს“ კარში 8 გოლი აქვს გატანილი. ერთადერთი კლუბი, რომლის წინააღმდეგაც კარიმს „ბილბაოზე“ მეტი გოლი აქვს გატანილი „გრანადა“ გახლავთ. ფრანგმა გრანადელთა კარში 10-ჯერ შეძლო ბურთის მოთავსება.

პირველი გოლი ბენზემამ ბასკების კარში 2009/10 წლების სეზონში გაიტანა.

ასევე უნდა აღინიშნოს, რომ კარიმი ბასკების წინააღმდეგ „ასისტებითაც“ გამოირჩევა.