გთავაზობთ მადრიდის "რეალის" ფეხბურთელების შეფასებებს "ატლეტიკოს" წინააღმდეგ Goal.com-ის ვერსიით.

კასილასი - 7 იკერის ბრალი არცერთი გოლი არ ყოფილა. მას შეცდომა არ დაუშვია.

არბელოა - 8 მისი გოლი ნებისმიერ ფორვარდს შეშურდებოდა. ამის გარდა ის ნაყოფიერი იყო დაცვაშიც.

ალბიოლი - 7,5 მან ამ თამაშში თავით კარგად ითამაშა და გასაქანს არ აძლევდა მეტოქეს.

სერხიო რამოსი - 8 სერხიომ მთლიანად გამოთიშა თამაშიდან კუნ აგუერო და შესანიშნავი შთაბეჭდილება დატოვა.

მარსელო - 7 როგორც ყოველთვის შეტევებში ერთვებოდა და ამავდროულად დაცვაშიც ასწრებდა ჩასვლას.

გაგო - 7 ფერნანდომ ლასი ძირფესვიანად შეცვალა. ის ნაკლებად უშვებდა შეცდომებს.

ხაბი ალონსო - 7 ხაბიმ ამ თამაშში თავი მისი გენიალური გადაცემით დაგვამახსოვრა. ის კარგ ფორმაშია.

გრანერო 6,5 - ეს ბიჭი ნამდვილად ნიჭიერია, ოღონდ საკუთარი თავის უნდა სჯეროდეს.ამ თამაშში ის გუნდის ყველაზე სუსტი წერტილი იყო

კრიშტიანო რონალდო - 7,5 რონალდო დაცვას ეხმარებოდა და ბევრს ცდილობდა, მაგრამ ამ მატჩში მან გოლი ვერ გაიტანა.

ვან დერ ვაარტი - 7,5 რაფამ დაამტკიცა, რომ ღირსია ძირითადში თამაშის. ის კარგად უგებდა რონალდოსა და გრანეროს.

იგუაინი - 7 პიპიტამ როგორც ყოველთვის გოლი გაიტანა. საერთო ჯამში კი მან 23-ედ იჯერა გული.