დანიელ კარვახალმა „ფიფა19“-თან დაკავშირებით ძალიან საინტერესო განცხადება გააკეთა. ესპანელის აზრით, „ფიფამ“ მასსა და რაფაელ ვარანს სასაცილო რეიტინგები უბოძა...

„სასაცილოა „ფიფა19“-ის მონაცემები. მე და ვარანს ძალიან დაბალი რეიტინგი მოგვანიჭეს, იგივე შემიძლია ვთქვა კაზემიროზე, რომლის რეიტინგი 85 ბალით შეფასდა. კაზემიროსი, რომელმაც შარშან საოცარი ჩამშლელის შთაბეჭდილება დატოვა და ჩემპიონთა ლიგის ზედიზედ მესამედ მოგებაში უდიდესი წვლილი შეიტანა.“

„მიუხედავად იმისა, რომ ეს მონაცემები არაფერს ცვლის, მაინც საწყენი და აღმაშფოთებელია, რომ საფეხბურთო სიმულატორში მადრიდის „რეალი“ არ არის ის გუნდი, როგორც რეალობაშია.“

გავრცელებული ინფორმაციით, კარვახალის რეიტინგი 84, ვარანის 86, ხოლო კაზემიროს 85 ბალით იქნება შემოფარგლული.