მარსელო:„თუ „რეალი“ ვინიციუსს შანსს მისცემს, ის აუცილებლად გახდება ლიდერი“
მარსელო ვიეირამ მადრიდის „რეალის“ ოფიციალურ ვებ-გვერდს ინტერვიუ მისცა...
„მადრიდის „რეალი“ მსოფლიოში საუკეთესო კლუბია და უბრალოდ უაზრობად მიმაჩნია იმაზე აქცეტის გაკეთება, რომ მე შეიძლება ავიბარგო, აქ უბედნიერესი ვარ და მსურს, რომ წლების მანძილზე თეთრი მაისური მეცვას. როდესაც საუკეთესო კლუბში ხარ, ცდილობ საუკეთესო იყო. აქ ბევრს ვხუმრობ და ვცდილობ ყოველივე დღე ლამაზი იყოს.“
„ყოველთვის მზად ვარ მაქსიმალურად დავიხარჯო და გულშემატკივრებს დიდი სიხარული მივანიჭო.“
„მსურს, კარიერა „ბლანკოსში“ დავასრულო. როდესაც აქ მოვედი, სულ რაღაც 18 წლის ვიყავი, ახლა კი ძალიან დიდ გამოცდილებას ვფლობ.“
„ჯერ მხოლოდ სეზონის დასაწყისია, მაგრამ სამეფო კლუბი საკმაოდ სოლიდურ ფეხბურთს აჩვენებს. გვსურს, რომ მოვუმატოთ და კიდევ უფრო ძლიერები გავხდეთ. ენთუზიაზმი და მოტივაცია მართლაც უდიდესი გვაქვს.“
„როდესაც რამეს კარგად აკეთებ, ამის შემდეგ ორმაგად უნდა მოინდომო, ვინაიდან გულშემატკივარი კიდევ უფრო მეტს მოგთხოვს.“
„„რეალში“ არაერთი უნიკალური მომენტი დაფიქსირდა, რომელსაც ყოველთვის მოვუყვები ჩემ შვილებს, მადრიდთან დიდი მოგონებები მაკავშირებს.“
„როდესაც „ბლანკოსის“ შემადგენლობაში ტიტულს იგებ, „სიბელესთან“ მისვლა გიწევს. ზეიმი, რომელიც მადრიდში იმართება, უბრალოდ წარმოუდგენელია.“
„ახალი სეზონის დაწყებასთან ერთად, ძველი სეზონი და შესაბამისად ტიტულები წარსულს ბარდება. ყოველი ახალი სეზონი ახალი გამოწვევაა.“
„ვინიციუსს უდიდესი მომავალი აქვს. თუ მას „რეალი“ შანსს მისცემს, აუცილებლად გახდება ლიდერი, ის სწორ გზას ადგას.“
- 6 სექტემბერი 2018
- 2 963
- 40