ლოპეტეგი:„ვინიციუსის ბედი უკვე გადავწყვიტეთ“
„ჟირონასთან“ დაპირისპირების წინ ჟულიენ ლოპეტეგიმ პრესკონფერენცია გამართა...
„ყველა მატჩი სხვადასხვანაირია, ამიტომ ვარჯიშზე უნდა ეცადო, რომ მოწინააღმდეგეს დეტალებში ჩაეძიო. ყველა მატჩს საკუთარი ელფერი აქვს. ჩვენ მაქსიმალურად დავიხარჯეთ და კატალონიაში 3 ქულის ასაღებად გავეშურებით.“
„ლა ლიგაში ყველა მატჩს დიდი მნიშვნელობა აქვს, საბოლოო ჯამში შედეგი იმ მატჩებით იდება, რომელიც ყოველკვირებულად იმართება. მაქსიმალურად უნდა ვეცადოთ, რომ ქულები არ გავანიავოთ.“
„შესანიშნავი კოლექტივი მყავს, რომელსაც ყველა ტურნირის მოგებისთვის შეუძლია ბრძოლა. ყველა პაექრობას ისე ვუდგებით, როგორც გადამწყვეტს.“
„ენთუზიაზმი, ენერგია და მოტივაცია, რომელიც სერხიო რეგილონს აქვს აღმაფრთოვანებს. შემიძლია დაგიდასტუროთ, რომ ის პირველი გუნდის ფეხბურთელი იქნება.“
„ვინიციუს ჟუნიორთან დაკავშირებით გადაწყვეტილება მიღებული გვაქვს. ბრაზილიელი მოთამაშე მთავარ გუნდთან ერთად ივარჯიშებს და გარკვეული სათამაშო დროც მიეცემა, სხვა შემთხვევაში კი „კასტილიას“ წარმატებაზე იზრუნებს.“
„იმისათვის, რომ შექმნა საკუთარი საფეხბურთო სტილი, აუცილებელია, რომ ამის საშუალებას ფეხბურთელთა კლასი გაძლევდეს. მე ბედნიერი ვარ, რადგან მსოფლიოს საუკეთესო ფეხბურთელების გაწვრთნა მიწევს, მათთან ერთად ნებისმიერი კონცეფციის შემუშავებაა შესაძლებელი.“
„ლა ლიგის მატჩების შეერთებულ შტატებში გამართვა? მე ნებიმისერ გადაწყვეტილებას დავემორჩილები, თუმცა ვთვლი, რომ ესპანური ფეხბურთი ესპანეთის სტადიონებზე უნდა იმართებოდეს.“
„მეკარეების კლასი უმაღლესია, ამ მხრივ მშვიდად ვარ და ვფიქრობ, რომ „რეალს“ საოცარი მეკარეები ჰყავს.“
„ბენზემა და ბეილი ერთმანეთს ბრწყინვალედ უგებენ, მათთვის მხოლოდ გოლის გატანა არ არის მთავარი, აქედან გამომდინარე, სრულად იზიარებენ გუნდურ სულისკვეთებას.“
„ტაქტიკა? 4-3-3 და 4-2-3-1 ძალიან პოპულარული სქემებია. ჩვენ ტაქტიკურ მონახაზებს ახლაც ვხვეწავთ და ვცდილობთ, თითოეულ მატჩს ოპტიმალური სქემა მოვარგოთ.“
- 25 აგვისტო 2018
- 8 530
- 81