„პსჟ“-ს „რეალისთვის“ მბაპეს ან ნეიმარის დათმობა მოუწევს
Defensacentral აქტიურად იუწყება, რომ მადრიდის „რეალი“ „უეფასთან“ და „პსჟ“-სთან ინტენსიურ რეჟიმში თანამშრომლობს...
ფრანგული კლუბის საქმიანობა და სატრანსფერო საკითხები საყოველთაო განსჯის საგანია, რამაც შეიძლება ფატალური შედეგები გამოიწვიოს. ფაქტია, რომ პარიზული გუნდის ხელძღვანელობა ტრანსფერებში რეკორდულ თანხებს ხარჯავს და ფინანსური Fair Play-ს პრინციპებს უხეშად არღვევს.
მთელი ზაფხულის მანძილზე ვრცელდება ინფორმაცია, რომლის მიხედვითაც, „პსჟ“-ს 31 აგვისტომდე დრო აქვს განსაზღვული, ამ კლუბმა გაყიდული ფეხბურთელებისგან მნიშვნელოვანი სარგებელი უნდა მიიღოს, რათა ხარჯებსა და შემოსავლებს შორის გარკვეული ბალანსი დაფიქსირდეს.
ესპანური გამოცემები იუწყებიან, რომ ფლორენტინო პერესი მზად არის ბრაზილიელი ნეიმარის სანაცვლოდ 300 მილიონ ევროს შეელიოს, ამ შემთხვევაში „პსჟ“-ს ყველა პრობლემა მარტივად მოეხსნება. ასევე მიმდინარეობს საუბარი კილიან მბაპეზე, რომელშიც „ბლანკოსი“ 200 მილიონს იხდის, თუმცა პარიზელები კილიანის გაყიდვაზე უარს აცხადებენ.
როგორც სჩანს,31 აგვისტომდე „ბლანკოსისგან“ სიახლეებს უნდა ველოდოთ.
- 22 აგვისტო 2018
- 6 132
- 48