სამეფო კლუბის ყოფილმა იტალიელმა ფეხბურთელმა, ფაბიო კანავარომ La Gazzetta Dello Sport-თან ინტერვიუში განაცხადა, რომ დარწმუნებულია სამეფო კლუბის ძალებში...

"დარწმუნებული ვარ ესპანეთის ჩემპიონატს "ბლანკოსი" მოიგებს. მათი უშუალო კონკურენტი კატალონიის ბარსელონაა, მაგრამ ძალიან კარგად ჩანს, რომ შარშანდელთან შედარებით, გვარდიოლას გუნდი შესუსტებულია, ეს კი რეალმა უნდა გამოიყენოს და მოიგოს ესპანეთის საუკეთესო გუნდის წოდება".

"კრიშტიანო რონალდო ზუსტად სამეფო კლუბის სტილის ფეხბურთელია. პორტუგალიელი იდეალურად შეეწყო იქაურ გარემოს და სასწაულების ჩადენას აგრძელებს. მისი სტანდარტულები ნებისმიერი ქომაგისთვის აღმაფრთოვანებელია, იგი მართლაც შეუდარებლად თამაშობს და ოქროს ბურთის მთავარი კანდიდატი ალბათ სწორედ რონალდო გახლავთ".

"რეალი ბოლომდე არ არის შეთამაშებული, თუმცა პელეგრინის შეგირდებმა უკვე ბევრი შეძლეს და ამას პრიმერა დივიზიონის სატურნირო ცხრილში ჩაწერილი ქულებიც მოწმობს, დარწმუნებული ვარ დედაქალაქური კლუბი ბევრს მიაღწევს და ძველ დიდებას დაიბრუნებს" - განაცხადა ფაბიომ.