ლოპეტეგი:„გუნდი კიდევ მოუმატებს“
ჟულიენ ლოპეტეგიმ „ხეტაფესთან“ გამარჯვების შემდეგ პრესკონფერენცია გამართა...
„მოხარული ვარ, რომ გავიმარჯვეთ, მადრიდის „რეალმა“ საკმაოდ კარგი ფეხბურთი ითამაშა, თუმცა პროგრესს კიდევ აჩვენებს. კარგია, რომ კარის მშრალად შენახვა შევძელით და 3 ქულა მოვიპოვეთ.“
„გუნდმა კარგად ითამაშა, როგორც თავდასხმაში, ასევე დაცვაში. ძალიან მნიშვნელოვანია, რომ მეტოქეს შანსი საერთოდ არ მივეცით. 90 წუთის მანძილზე ვდომინირებდით.“
„ბეილი საოცარი ფეხბურთელია, ის ყოველთვის გუნდის სამსახურშია. ძალიან მომწონს ის სულისკვეთება, რომელიც უელსელ ფეხბურთელს აქვს.“
„ყველა მატჩში უნდა ვეცადოთ, რომ უპირატესობა გვქონდეს, რაც უფრო დიდი ხნის მანძილზე გვექნება ბურთი და პოზიციურად სწორად ვიქნებით განლაგებულნი, მით უფრო ნაკლები შანსი ექნება მეტოქეს.“
„ბევრი ასპექტი გვაქვს, რომელიც უნდა გავაუმჯობესოთ, ეტაპობრივად ყველაფერს განვახორციელებთ და საუკეთესო ფორმაში შევალთ.“
„მარსელო საოცარი ფეხბურთელია, ბრაზილიელის სტილის მოთამაშე არ მინახავს, ის თანაბრად ძლიერია როგორც დაცვაში, ასევე თავდასხმაში.“
„კარგად დავიწყეთ და მჯერა, რომ კარგად დავასრულებთ, ლა ლიგა აუცილებლად უნდა მოვიგოთ, ჩვენ ბოლომდე ვიბრძოლებთ.“
„სებალიოსის თამაშს დადებითად ვაფასებ, მე მას ვენდობი და მჯერა, რომ უმაღლეს დონეზე იასპარეზებს.“
„მეკარეები? 3 მაღალი დონის კარის დარაჯი მყავს, რომლებსაც მთელი სეზონის განმავლობაში გამოვიყენებ.“
- 20 აგვისტო 2018
- 4 775
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
